Pas Berishës, edhe Meta 'i del në mbrojtje' Ahmetajt për deklaratat e tij: Nuk ka gënjyer! Vetëm Rama mund të vinte në lëvizje qeverinë për inceneratorët

Pas Berishës, edhe kreu i Partisë së Lirisë, Ilir Meta ka reaguar për deklaratat e bëra nga ish zv.kryeministri, Arben Ahmetaj i cili mbrëmjen e djeshme mohoi të gjitha akuzat për lidhjet e tij me aferën e inceneratorëve dhe këmbënguli se nuk kishte firmosur për inceneratorët e Tiranës, Fierit dhe Elbasanit.

Meta tha se Ahmetaj nuk ka gënjyer në deklaratat e bëra dhe theksoi se pavarësisht se kishte përgjegjësi për përfshirjen në procesin e miratimit të vendimeve, sërish miratimi i 17 projekt-vendimeve brenda 24 orëve, nuk do të ishte i mundur pa pasur urdhër të posaçëm nga vetë kryeministri, Edi Rama.

 “Si tha dje ish ministri Arben Ahmetaj? Tha “nuk isha unë kaq i fuqishëm sa të vija në lëvizje qeverinë, për punën e inceneratorëve”. Normale, ai nuk ka gënjyer. Ai ka përgjegjësitë e veta si ministër, por si mund të futen 17 vendime të paligjshme në një ditë të cilat me procedura normale do të kërkonin të paktën 6 muaj.

LEXO EDHE:
Lufta poshtë brezit për dominimin e opozitës

Vetëm me urdhër të Ramës, që të vjedhë Edi Rama qytetarët e Tiranës, por edhe të Shqipërisë. Jo vetëm kaq, por të fusë edhe shokët e tij një nga një në burg, sic i ka futur. Njëherë Lefterin, njëherë Saimirn, vetëm që të shtyjë ditët e veta dhe agonitë e veta sepse është i pashpresë” tha Ilir Meta.

Kreu i Partisë së Lirisë, mbrëmjen e sotme zhvilloi një mbledhje me strukturat e partisë në Kamzë, ku kërkoi edhe mbështetjen për kandidatin e Rithemelimit, Arjan Hoxha.

 

 

B.V/r.k./Shqiptarja.com

TAG:
• Ilir Meta
• inceneratoret
• arben ahmetaj