POP 5

Lajmet më të lexuara të 5 minutave të fundit

Kronikë

Pas dënimit, Prokuroria kërkon 
konfiskimin e pasurisë së Frrokut

Tre ditë nga dënimi me 7.5 vite burg për ish-deputetin Mark Frroku, Prokuroria e Krimeve të Rënda kërkon konfiskimin e pasurisë prej 2 milion dollar në pronësi të tij e familjarëve të tij.  VIDEO
Tre ditë nga dënimi me 7.5 vite burg për ish-deputetin Mark Frroku, Prokuroria e Krimeve të Rënda kërkon konfiskimin e pasurisë prej 2 milion dollarë në pronësi të tij e familjarëve.

"Kërkesa në gjykatë, pasuria 2 mln USD"
Burime nga krimet e rënda bënë me dije për Report Tv se kjo kërkesë është depozituar në gjykatë dhe pritet vendimi i togave të zeza për kalimin e kësaj pasurie në favor të shtetit.

Kjo kërkesë sqaruan burime vjen në zbatim të ligjit antimafia pasi dyshohet se burimi i saj është aktiviteti i paligjshëm i trafikut të drogës dhe shfrytëzimit të prostitucionit.

Të premten, Gjykata e Tiranës dënoi Frrokun me 7.5 vite burg me akuzën e pastrimit të parave, fshehjes së pasurisë, deklarimit të rremë të pasurisë e ndërtimit të paligjshëm për qëllim biznesi.

Ndërkohë gjatë procesit hetimorë pasuria në 2 milion dollarë sipas prokurorisë e pajustifikuar në shtëbi banimi, biznese, troje, e llogari bankare është vënë në sekuestro preventive.

7 apartamente, 2 dyqaneve, 2 bodrume
Kjo pasuri u sekuestrua më 29 qershor 2016 dhë në të bënin pjesë, 7 apartamente në Tiranë, Lezhë, Orikum si dhe dy dyqane, dy bodrume dhe një sipërfaqe toke prej 6000 m2.

Vetë Frroku ka mohuar disa herë akuzat e prokurorisë se pasuria e tij ishte e pajustifikuar duke deklaruar se prej vitit 1994 ai sëbashku me familjarët kishin punuar në biznese private duke investuar dhe fitimet e krijuara.

Kërkesa për konfiskim pasurie është paraqitur nga prokurori Klodian Branko i njëjti prokuror i cili javën e shkuar i kërkoi gjykatës sekuestron e aksioneve prej 1 milion euro të investuara pranë një banke të nivelit të dytë të deputetit Alfred Peza. 

Pasuritë që priten t'i konfiskohen Mark Frrokut:

Apartamente
 
1. Apartament me sipërfaqe 56.84 m2 në Orikum
 
2. Apartament me sipërfaqe 78.66 m2 në Orikum
 
3. Apartament me sipërfaqe 69.6 m2 në Shëngjin, Lezhë
 
4. Apartament me sipërfaqe 49.3 m2 në Shëngjin, Lezhë
 
5. Apartament me sipërfaqe 55.2 m2 në Shëngjin, Lezhë
 
6. Apartament me sipërfaqe 100 m2 në Kashar, Tiranë
 
7. Apartament me sipërfaqe 100 m2 në Kashar, Tiranë
 
Dyqane
 
8. Dyqan me sipërfaqe 133 m2 në Tiranë
 
9. Dyqan me sipërfaqe 175 m2 në Tiranë
 
Garazhe (bodrume)
 
10. Bodrum 11.6 m2 në Shëngjin, Lezhë
 
11. Bodrum 11.6 m2 në Shëngjin, Lezhë
 
Tokë arë
 
12. Tokë arë me sipërfaqe 6000 m2, në “Grykë Lumi”, Lezhë

Redaksia Online
l.q/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55