POP 5

Lajmet më të lexuara të 5 minutave të fundit

Politikë

Pas largimit të LSI, PR i bën
kërkesë KQZ për komisionarë

Kodi Zgjedhor përcakton partitë në kolaicion që do të kenë të drejtë të përfaqësohen në KQZ, KZAZ, KQV. PR po shqyrton hapësirat ligjore për përfaqësimin e saj edhe në KQZ. Në pikëpyetje PBDNJ.
TIRANE - Menjëherë pas dorëheqjes së LSI si parti në koalicionin e djathtë, tashmë partia e dytë më e madhe në mazhorancë, ajo Republikane ka bërë kërkesë pranë KQZ për përfaqësimin e kësaj partie në komisionet zonale si dhe në ato të qendrave të votimit. Kjo kërkesë ka 4 ditë që është depozituar, që në ditën e largimit të LSI nga koalicioni i djathtë.

Vetë Kodi Zgjedhor ka parashikuar që KZAZ po ashtu dhe KQV përbëhen nga dy anëtarë që propozohen nga partia kryesore e shumicës parlamentare, dy anëtarë propozohen nga partia kryesore e opozitës parlamentare, një anëtar propozohet nga partia e dytë e shumicës parlamentare dhe një anëtar propozohet nga partia e dytë e opozitës parlamentare.

“Menjëherë pas dorëheqjes së LSI nga kolalicioni i djathtë, ne depozituam në kQZ një kërkesë, ku kërkojmë përfaqësimin tonë në komisionet që janë në varësi të këtij komisioni dhe që ka të përcaktuar dhe Kodi Zgjedhor. Kërkojmë që në bazë të këtij kodi të zbatohet ligji përsa i takon përfaqësimit tonë në të gjitha nivelet e komisioneve zgjedhore.

Presim një vendim nga ky institucion”, shprehet për gazetën Shqiptarja.com. sekretari i Përgjgithshëm i Partisë Republikane, Arjan Madhi. Por nga ana tjetër kjo do të sillte dhe zvendësimin e komisionerëve të propozuar nga partia e dytë e madhe në opozitë, pas PS, PBDNJ. Në të njëjtën kohë Madhi nuk përjashtoi mundësinë se PR do të kërkojë edhe përfaqësimin në KQZ.

“Kjo është një çështje që kërkon shpjegim të gjerë juridik. Po shqyrtohen të gjitha pozitat juridike edhe për këtë çështje, këtë do ta kërkojmë edhe në Kolegjin Zgjdhor”, shprehet Madhi. Gjithësesi kjo mbetet për tu parë pas regjistrimit të koalicioneve politike në KQZ.

Një gjë të tillë e ka bërë të ditur edhe anëtari i KQZ, Hysen Osmanaj. “KQZ merret vetem me zvendësimin e të gjithë komisionerëve të KZAZ dhe KQV. Kjo bëhet në bazë të Kodit Zgjedhor, i cili ka të përcaktuar se do të jetë balanca me partitë që janë në koalicion me njëra- tjetrën”, tha ai.

PBDNJ

Me kalimin e LSI me të majtën, tashmë ajo konsiderohet si partia e dytë më e madhe në opozitë pas PS, çka i jep asaj që të ketë dhe ajo të drejtën e përfaqësimit në komisionet zonale dhe qendrave të votimit. Por ajo që mbetet në pikëpyetje është pikërisht fati i PBDNJ duke marrë parasysh se ka përfunduar procedura e propozimeve të anëtarëve të KZAZ.

Edhe në KZAZ LSI dhe PBDNJ përfaqësohen nga një anëtar i propozuar. Kjo do të sille ndryshimin e raportit të balancave në KZAZ. Aktualisht nga 89 Komisione të Administrimit të Zgjedhjeve, të dytat për nga rëndësia pas KQZ, 45 janë me shumicë socialiste, dhe 44 me shumicë demokratësh, çka do të sillte të gjitha KZAZ me shumicë të opozitës.

Shkrimi u botua sot në gazetën Shqiptarja.com (print) 06.04.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Alarmoi RENEA-n, ja çfarë u gjet në apartamentin e katit të 8-të tek Astiri (VIDEO)

Alarmoi RENEA-n, ja çfarë u gjet në apartamentin e katit të 8-të tek Astiri (VIDEO)

10 Janar, 14:39