Pas protestave masive për krizën e saj ekonomike, Presidenti i dorëhequr Gotabaya Rajapaksa është arratisur nga Sri Lanka me një avion ushtarak. Forcat ajrore të vendit konfirmuan se 73-vjeçari fluturoi për në Maldive me gruan e tij dhe dy forca sigurie.
Ata mbërritën në kryeqytet, Male, rreth orës 03:00 me orën lokale. Një burim për BBC tha se Rajapaksa nuk do të qëndrojë në Maldive dhe synon të udhëtojë në një vend të tretë.
Vëllai i tij, ish-ministri i Financave Basil Rajapaksa, gjithashtu është larguar nga Sri Lanka dhe thuhet se do të shkojë në SHBA.
Largimi i Rajapaksa i jep fund një dinastie familjare që ka sunduar Sri Lankën për dekada. Kur protestuesit hynë në rezidencën e tij të shtunën, presidenti ishte fshehur ndërsa ishte zotuar se do të jepte dorëheqjen.
Presidenti i Sri Lankës është fajësuar për keqmenaxhimin ekonomik të vendit, ç’ka ka sjellë mungesa të mëdha ushqimore, karburantesh dhe ilaçesh prej muajsh. Dorëheqja e tij u njoftua fillimisht nga kryetari i parlamentit të shtunën, por qytetarët iu përgjigjën me skepticizëm idesë se ai do të hiqte dorë nga pushteti.
Sri Lanka është zhytur në një krizë të thellë financiare dhe turmat e qytetarëve që u ngritën në protestë u futën në rezidencën presidenciale dhe i vunë zjarrin.
Shri Lanka shpalli gjendjen e jashtëzakonshme të mërkurën pasi presidenti u largua jashtë shtetit për t'i shpëtuar protestave antiqeveritare, pasi mijëra njerëz dolën në rrugë, përsëri të zemëruar që ai ende nuk ishte dorëzuar.
Presidenti i Shri Lankës, Gotabaya Rajapaksa, ka ikur në Maldive herët të mërkurën, pas protestave të gjera kundër krizës më të keqe ekonomike në vend në disa dekada.
Disa orë më vonë, pa asnjë njoftim zyrtar se ai do të tërhiqej, mijëra protestues sulmuan zyrën e kryeministrit Ranil Wickremesinghe, të cilin Rajapaksa e emëroi si president në detyrë gjatë mungesës së tij.
Ata kërkuan që të dy zyrtarët të largoheshin. “Shko në shtëpi Ranil, shko në shtëpi Gota”, bërtitën ata.
Protestuesit antiqeveritar të Shri Lankës kanë hyrë edhe në stacionin kryesor televiziv shtetëror të mërkurën dhe për pak kohë morën përsipër transmetimin.
Një burrë i paidentifikuar hyri në studion e rrjetit Rupavahini gjatë një programi live dhe urdhëroi që të transmetoheshin vetëm lajme të lidhura me protestën.
Transmetimi u ndërpre dhe u zëvendësua me një program të regjistruar.
Protestuesit në Shri Lankë, gjatë fundjavës kanë hyrë edhe brenda pallatit presidencial.
Presidenti i Shri Lankës, Gotabaya Rajapaksa, i cili iku në Maldive të mërkurën, i telefonoi kryetares të parlamentit dhe i tha se letra e tij e dorëheqjes do të dërgohet më vonë gjatë ditës.
“Presidenti ra në kontakt me mua përmes telefonit dhe tha se ai do të sigurojë që letra e tij e dorëheqjes do të merret nga unë sot”, tha kryetarja Mahinda Yapa Abeywardena në një deklaratë me video.
"I bëj thirrje publikut që të ketë besim në procesin parlamentar për të emëruar një president të ri në datën 20 dhe të [i kërkoj] të jetë paqësor".
Rajapaksa gëzon imunitet nga arrestimi dhe besohet se ai donte të largohej para se të jepte dorëheqje, në mënyrë që mos të mund ta ndalonin kur të mbetej pa pushtet./REL
Lajme të tjera
-
Nga Sri Lanka në Vlorë, erdhën si punëtorë fabrike por dëshirojnë të qëndrojnë në Shqipëri
1 Maj, 14:48
-
VIDEO/ Përplasje fizike mes deputetëve në parlamentin e Maldives, shkak votimi i ministrave të rinj të qeverisë
30 Janar, 20:02 -
Mbi 1000 të burgosur në Sri Lanka do të lirohen për Krishtlindje
25 Dhjetor 2023, 10:00 -
'Dziennik.pl': Shqipëria, 'Maldivet e Evropës' me pamje mahnitëse dhe mot të ngrohtë
2 Nëntor 2023, 13:51 -
VIDEO/ Tmerrohen lojtarët dhe tifozët, gjarpri 'pushton' fushën gjatë ndeshjes
1 Gusht 2023, 14:56 -
The Sun: Shqipëria, Maldivet e pazbuluara të Evropës, tashmë me një aeroport të ri
21 Korrik 2023, 16:04 -
Vrau 16 vjeçaren në Itali dhe trupin e pajetë e la pranë një koshi mbeturinash, arrestohet adoleshenti nga Sri Lanka
29 Qershor 2023, 10:37 -
FOTOLAJM/ Rekord guinnes në Sri Lanka, pacientit i hiqet guri 13.4 cm nga veshkat
15 Qershor 2023, 15:41 -
Media britanike ' The Sun' shkruan për Shqipërinë: Pika e 'nxehtë evropiane' njësoj si Maldivet, çmime fantastike
18 Shkurt 2023, 08:06 -
Ngrohja globale, rrezikohet ekzistenca e ishujve Maldive
6 Nëntor 2022, 20:16 -
Arratisja e presidentit pas protestave, Sri Lanka zgjedh kryeministrin si kreun e ri të shtetit
20 Korrik 2022, 11:05 -
Sri Lanka sërish vendos gjendjen e jashtëzakonshme
18 Korrik 2022, 10:58
