POP 5

Lajmet më të lexuara të 5 minutave të fundit

Kronikë

Pas skandalit, Fullani kërkon rrogën
Banka: U shkarkove se shkele ligjin

Ish-guvernatori Ardian Fullani nuk u shkarkua për shkak të skandalit të vjedhjes së Bankës së Shqipërisë e për pasojë padia e tij për dëshmpërblim pasi fitoi pafajsinë nuk duhet të pranohet. Ishte ky qëndrimi i jursitit të Bankës së Shqipërisë në seancën e kësaj të hënë në Gjykatën Administrative, aty ku ish-guvernatori kërkon 500 mijë euro dëmshpërblim.  VIDEO
Pas skandalit, Fullani kërkon rrogën<br />Banka: U shkarkove se shkele ligjin
Ardian Fullani u shkarkuar për shkelje ligjore gjatë ushtrimit të detyrës dhe shkarkimi i tij nga Këshilli Mbikqyrës nuk lidhej me arrestimin për skandalin e vjedhjes së Bankës së Shqipërisë.

Ishte ky qëndrimi i avokatit të Bankës së Shqipërisë në procesin administrativ, ku ish-guvernatori kërkon dëmshpërblim në afro 500 mijë euro.

avokatet ne gjyqin e fullanit
(Përfaqësuesi ligjor Bankës së Shqipërisë dhe ai i Kuvendit në gjyqin e Fullanit)

Për shkak se ai u shkarkua për shkelje ligjore dhe jo për arrestimin dhe akuzat për të cilat mori pafajësinë, padia e tij nuk duhet të pranohet, u shpreh juristi i bankës. Të njëjtin qëndrim mbajti dhe jursti i Kuvendit, ndërsa dy avokatët e ish-guvernatorit, Erinda Ballanca e Maks Haxhia u shprehën se motivi i vetëm që çuan në shkakrimin e klientit të tyre ishte arrestimi.

Sipas Haxhiajt, nëse Fullani nuk do ishte arrestuar, ai dhe sot do të ishte guvernator pasi pafajsia e fituar në proceset me prokurorinë treguan që ai s’kishte shkelur asnjë ligj.

Një tjetër argument i përdorur nga Banka e Shqipërisë dhe Kuvendi për mospranimin e padisë së Fullanit ishte dhe tejkalimi i afatit të ankimimit me 17 muaj. 

Por, për avokatët e Fullanit, ky pretendim është i pavend pasi ata ankimuam sapo morën në dorë pafajsinë nga drejtësia shqiptare.

Vetë Fullani, nuk ishte i pranishëm në seancë, ndërsa vendimi për kërkesë padinë e tij pritet të jepet në ditët në vazhdim nga gjyqtari Bezart Kackini.

Para nisjes së procesit gjyqësor, kreu i komisionit të Ekonomisë, Erjon Braçe u shpreh përmes një postimi në Facebook, se në mandatin e Fullanit në krye të BSH-së, perveç “vjedhjes më të madhe të Bankës së Shqipërisë nga brenda, ka edhe te tjera”.

Redaksia Online
(m.b/shqiptarja.com)

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Berat/ E zuri poshtë një masiv guri teksa po punonte, arrestohet pronarja e shtëpisë, në kërkim administratori dhe drejtuesja teknike e firmës së ndërtimit

Berat/ E zuri poshtë një masiv guri teksa po punonte, arrestohet pronarja e shtëpisë, në kërkim administratori dhe drejtuesja teknike e firmës së ndërtimit

18 Dhjetor, 13:19