POP 5

Lajmet më të lexuara të 5 minutave të fundit

Politikë

Pas tërmetit deputetët frikë nga përmbytjet, të shqetësuar për Shkodrën! Ja si u përgjigjet Haki Çako

Anëtarët e Komisionit të Sigurisë Kombëtare: Nuk janë zbatuar projektet për mbrojtjen e qyteteve nga dalja jashtë kontrollit të lumenjve dhe përrenjve, pritat kanë degraduar

Pas tërmetit deputetët frikë nga përmbytjet, të shqetësuar për Shkodrën! Ja si u përgjigjet Haki Çako

TIRANË - Anëtarët e Komisionit të Sigurisë Kombëtare kanë shprehur shqetësimin për mundësinë e përsëritjes së përmbytjeve nisur edhe nga dështimi i zbatimit të disa projekteve për të mbajtur nën kontrollor lumenjtë dhe përrenjtë gjatë shirave të dimrit. Gjatë shqyrtimit të projektbuxhetit për Drejtorinë e Përgjithshme të Emergjencave Civile për vitin 2020 në Komisionin e Sigurisë, ku i pranishëm ishte edhe drejtori Haki Çako, deputeti Luan Harusha është shprehur se punimet për ngritjes së bajpasit për mbrojtjen e Shkodrës nga përmbytjet kanë nisur në vitin 2011 dhe ende nuk kanë përfunduar.

Sipas deputetit Harusha, ky projekt jo vetëm nuk e mbron Shkodrën, por e rrezikon më shumë nga përmbytjet. Nga ana tjetër, drejtori i i Përgjithshëm i Emergjencave Civile Haki Çako, duke iu përgjigjur shqetësimit të deputetit, ka theksuar se është hartuar një plan masa si dhe janë bërë një sërë investimesh që lidhen me parandalimin e përmbytjeve, ndërsa pranoi problematikën në zbatimin e projektit për mbrojtjen e Shkodrës.

Ndërkaq, deputeti i Cërrikut Luan Duzha ka pohuar se ka 30 mbi 30 vite që nuk vihet dorë në pritat e përrenjve malorë, të cilët kanë një rol vendimtar në përmbytjen e zonave fushore. Ai tha se pritet e përroit të Selitës janë të degraduara, duke shtuat se në rast të reshjeve të dendura, ky përrua do të shkaktojë dëme.

Haki Çako u shpreh se ligji i ri “Për ngritjen e Agjencisë Kombëtare të Mbrojtjes Civile” adreson disa detyrime për të gjitha institucionet, si bashkitë dhe institucionet qendrore, duke nënkuptuar se masat kundër përmbytjeve nuk i takojnë vetëm institucionit që ai drejton.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emi: 16/12/2019 16:17

    Ca ke mjedhe do korresh leto. Keto jan punen e bukra si jan ba ne shqipnin

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi