POP 5

Lajmet më të lexuara të 5 minutave të fundit

Politikë

Pas Uashingtonit, Rama drejt Londrës në Komunitetin Politik Europian

Kryeministri Rama do të udhëtojë javën e ardhshme drejt Britanisë së Madhe për të marrë pjesë në takimin e radhës së Komitetit politik Evropian. Takimi mes liderëve të BE-së, ku pjesëmarrëse do të jenë edhe vende të tjera jo anëtarë të unionit do të fokusohet tek lufta në Ukrainë, ndërsa mbledhja do të drejtohet për herë të parë nga kryeministri i ri britanik Keir Starmer.

Pas samitit 3-ditor të NATO-s në Uashington me liderët e botës perëndimore, Report tv mëson javën e ardhshme, se të enjten e 18 korrikut kryeministri Edi Rama do të udhëtojë drejt Britanisë së Madhe për të marrë pjesë në një takim e radhës së Komitetit Politik Evropian mes liderëve të BE-së.

Në fokus të diskutimeve të liderëve evropianë do të jetë lufta në Ukrainë, siguria dhe demokracia, ndërsa për herë të parë kjo mbledhje do të drejtohet nga kryeministri i ri Britanik Keir Starmer, i cili do të mbajë edhe fjalën hapëse.

Sipas The Guardian, veç vendeve të Bashkimit Evropian do të jetë të ftuar edhe shtete jo anëtare të Unionit si Norvegjia, Islanda, Gjeorgjia, Serbia, Kosova, Shqipëria dhe Turqia, por Presidenti Turk Rexhep Taip Erdogan nuk e ka konfirmuar ende pjesëmarrjen.

Ndërsa Presidenti i Ukrainës, Volodymir Zelensky do t’u drejtohet me një mesazh afro 50 liderëve evropianë, në takimin që do të mbahet në Pallatin Blenheim, vendlindja e Ëinston Churchill. Mikpritësi i këtij takimi, kryeministri i ri britanik Keir Starmer do të mbajë fjalën hapëse të punimeve të samitit, ndërsa pritet të nënvizojë angazhimin e Mbretërisë së Bashkuar ndaj Ukrainës. Starmer është zotuar gjithashtu të vendosë lidhje më të ngushta me BE-në pas daljes së Mbretërisë së Bashkuar nga unioni evropian.

Ukraina do të dominojë diskutimin plenar me liderët, të cilët më pas do të bashkohen me tre grupe pune të përqendruara te mbrojtja dhe demokracia, të cilat do të përfshijnë sesione mbi krizën e dezinformimit, energjinë dhe migracionin.

Siguria rreth samitit është e rreptë me kufizimet e hapësirës ajrore mbi pallatin Oxfordshire midis 14 dhe 18 korrikut. Dronët e policisë dhe shërbimi ajror i policisë do të zbatojnë hapësirën e kufizuar ajrore, sipas policisë së Luginës së Thames.

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24