Të gjithë gjejnë një justifikim për t’u tërhequr që nga prokurorë, gjyqtarë, avokatë, dëshmitarë dhe ekspertë, kur përballë kanë Dritan Dajtin, i dënuar me 4 dënime për jetë dhe më pas 25 vite burg për vrasjen e 4 policëve, pas rreth 280 seancave gjyqësore. Eksperti kontabël, i kontraktuar për vlerësimin pasurive të Dritan Dajtit, për të cilat SPAK ka kërkuar që të sekuestrohen, është tërhequr në mënyrë të befasishme dhe misterioze nga detyra që kishte marrë përsipër.
Eksperti ka hequr dorë nga përpilimi i raportit për pasuritë e Dajtit, me argumentin se e ka të pamundur që të bëjë një vlerësim të tillë për llogari të procesit të nisur nga SPAK në Gjykatën e Posaçme. Kjo tërheqje e dyshimtë është bërë me dije sot gjatë seancës së radhës në Gjykatën e Posaçme kundër Krimit dhe Korrupsionit.
Në këto kushte, GJKKO ka caktuar dy ekspertë të rinj për vlerësimin e pasurive të Dritan Dajtit. Ata janë Luiza Bala dhe Albana Canaj. Dy ekspertët të bëjnë në ditët në vijim betimin përpara gjykatës dhe më pas do të njihen me materialet e dosjes. Pas betimit, dy ekspertët do të nisin punën për hartimin e një raporti financiar për pronat e Dajtit dhe të familjarëve të tij. Raporti më pas do t’i paraqitet gjykatës dhe SPAK. Mbi këtë raport do të procedohet më tej për pasuritë, duke urdhëruar bllokimin ose jo të tyre.
Më 12 shkurt të vitit 2020, OFL-ja i dorëzoi Dritan Dajtit, formularin e vetëdeklarimit të pasurisë, pasi ishte subjekt i aktit special të qeverisë kundër krimit, si dhe i ligjit anti-mafia. Disa ditë më pas, OFL-ja referoi në SPAK materialet për pasurinë e Dritan Dajtit. Në 9 qershor 2021, SPAK kërkoi nga GJKKO sekuestrimin e disa prej pasurive të Dritan Dajtit. Bëhet fjalë për 6 pasuri 3 apartamente, disa shtesa, një godinë shërbimi të përfituara me kontratë dhurimi si dhe aksionet në një kompani.
Me sa duket, edhe procesi i bllokimit të pasurisë, synohet që të pengohet si gjykimi për vrasjen e 4 punonjësve të policisë së shtetit. Gjatë fazës së gjykimit në procesin penal për vrasjen e 4 punonjësve të Policisë së Shtetit, janë tërhequr nga mbrojtja avokatët e Dajtit, janë tërhequr prokurorët, disa nga dëshmitarët dhe disa prej gjyqtarëve. Tashmë po tërhiqen ekspertët, duke zvarritur vendimmarrjen e gjykatës.
Kush është Dritan Dajti?
I lindur në Tiranë më 17 nëntor 1971 ka qenë një nga personat më të kërkuar në Shqipëri. Ai u dënua fillimisht me 20 vjet heqje lirie nga Gjykata e Shkallës së Parë së Tiranës për veprën penale të vrasjes. Ne dosjet e prokurorisë dhe policisë, por edhe në Interpolin Europian, emri i tij shkruhej me të kuqe, pasi cilësohej si një nga personat më të rrezikshëm. Në arkivin e prokurorisë dhe gjykatës “njollosja” e emrit të tij do të realizohej për herë të parë për vrasjen e biznesmenit Agim Beqa, në vitin 1999. Viktima kishte nisur ndërtimin e një pallati në rrugën H. H. Dalliu, por ai ishte konfliktuar me disa persona.
Historia e tij u bë e famshme kur Dritan Dajti u arratis në mënyrë spektakolare nga dhoma e izolimit e Gjykatës së Tiranës, më 17 nëntor 2003, vetëm pak minuta para se të fillonte seanca kundër tij. Nga hetimet e mëvonshme rezultoi se gjithçka kishte qenë e planifikuar. Dajti mori një pistoletë në tualetin e gjykatës, e vendosur më parë nga miqtë e tij. Me këtë pistoletë, ai iu drejtua policëve të togës, që kishin për detyrë ta ruanin dhe qëlloi disa herë në ajër. Por nuk ngurroi që pistoletën t’ia drejtonte edhe prokurorit, që në ato moment po bëhej gati për t’u futur në sallën e gjyqit.
Dajti u arratis me pranga në duar, doli nga dera kryesore e gjykatës, u rrëzua një herë, por policia nuk mundi ta neutralizojë. Ai hipi në një motor, që drejtohej nga një person tjetër, dhe u largua ndërkohë që një person tjetër ende i paidentifikuar, qëlloi disa herë me pistoletë në ajër në anën tjetër të rrugës, me qëllim tërheqjen e vëmendjes së policisë. Qëndroi 6 vite në arrati.
Me 7 gusht të vitit 2009 u finalizua një operacion për kapjen e tij në Durrës. Punonjësit e policisë Fatos Xhani, Altin Dizdari, Kastriot Feskaj dhe Sajmir Duçkollari, mbetën të vrarë, kur ndërhynë në zonën e plazhit për të arrestuar Dajtin, i cili ishte në kërkim, pasi ai ishte dënuar për vrasjen e biznesmenit Agim Beqa, ngjarje e ndodhur në vitin 1999 në Tiranë.
Dajti u dënua me 4 vendime të përjetshme pas rreth 280 seancash gjyqësore që zgjatën gati një dekadë. Por, Gjykata e Apelit vendosi të rrëzonte këto dënime dhe ta dënonte Dajtin me 25 vite burg, duke i hapur praktikisht derën e burg. Kjo vendimmarrje, e cila ka prodhuar reagime të forta deri në nivel ndërkombëtar, por shqyrtohet nga Gjykata e Lartë.
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Apeli i Posaçëm shpall vendimin për Bandën e Cërrikut! Tre anëtarë dënohen me burgim të përjetshëm
21 Nëntor, 19:42 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06
Shoket qe e ndihmuan te arratisej e t'i ulej denimi ne 25 vjet per 5 vrasje qenkan hedhur prape ne aksion.A ka ndonje menyre te merren eksperte te huaj dhe a ka mundesi qe t'i rregullohet ndonje aktakuze te re qe t'ia shtojne denimin?
PërgjigjuSe di perse shprehesh ne ate form, nje njeri super i artikuluar me shum pritshmeri ne jet, pretendent te ishte ne rolin e trupit gjykues sot, kur mafia saliut po i dole kunder te ngre puçin, e te ben krimimel me pahir
Gjithmonë i jam lutur Zotit se pse nuk bëri që një nga policët e vrarë të ishte dukagjinas, i pa ulur në qytet akoma.....
PërgjigjuO lek plumbi njesoj i mer njerezit nga dukagjini apo jo.Edhe me e vra ket krimbin ato te gjoret svine me mbrapa.Ketu fajin e ka shoqeria jone shteti qe nuk eshte i tille dhe lufta brenda llojit qe po na pakeson cdo dite e me teper.Fatkeqesisht regjimi totalitar i enver hoxhes ishte me i pershtaturi per shqiptaret e shekullit te kaluar dhe ketij ku po jetojme sepse te pakten krimi ngelej ne sfera pushteti e politike nuk kalonte te vulgu.
Por mir mor spak leshi si I njerr emrat de kush do e vlersoj pasurin e tij.as dhe nje vend te botes nuk tregojn emrat e shefa te komisajate ku nderrohe por aq me keq kush do i gjykoj para sete dal në gjygj.ose kush do I vlersoj pasurin sic e lexojm në tani ketu . Dhe pastaj terhiqet ai nga vlersimi. Esh nomale kjo vetem në shqipri gazetar japin emrat dhe mbiemrin e njerzeve . Dhe pastaj grupet krimiale o kercenojn
PërgjigjuKy e ka hallall plumbin ne balle per KRIMET QE ka bere...
PërgjigjuKti i shkon Nofka “Kapo” Tall shtetin dhe esht me i fort se Shteti vete
PërgjigjuDritan Dajti mbrohet nga drejtësia e S.Berishës.Babai i Dajtit ka qënë kuzhiner i Sb President. -Sa të jetë Sb mbi dheeee e në Politikë Dajti nuk dënohet.Ai shpejt do iki nga burgu dhe do të shpëtoi përfundimisht. -Zhvillimi i 280 seancave gjyqsore e tregon këtë.Seancat do vijojnë mbi 1000 deri në lirimin e tij. -Gjykoni vendimet për Izet Haxhinë dhe D.Dajtit.Kjo tregon se edhe Drejtësia e "RE" është e tredhur nga Sb
PërgjigjuO EtheM e ke gabim,vertet babai ka qene guzhunjer jo vetem I Saliut por dhe I Ambasades Amerikane,eshte mik I ngushte I Rames jo berishes a ke degjuar Ramen ta permendi emrin Dajtit gjekundi asnjehere,kush ja dha lejen te beje dhembet ne mes te bllokut ne privat,loja seancave eshte zotesi e tij se ka mbaru juridikun dhe keta lolo nuk I ka gje.
Falimentimi i shtetit para nje krimineli.Turp ...Turp per ata qe na drejtojne
PërgjigjuKy eshte procesi me I tejzgjatur Edhe them se do lirohet zoteria sepse kan kaluar cdo limit gjygjesia edhe shteti ligjor...
PërgjigjuKjo tregon se veprimtaria kriminale e ketij krimineli vazhdon edhe brenda mureve te qelise. Duhet futur urgjent ne rregjimin 41 bis dhe te goditen fort invidividet kriminale qe e mbeshtesin. Dihet kush jane dhe cfare bejne. Spaku duhej te vihej ne alarm per doreheqjen e ekspertit dhe ti heqi atij licensen se nuk e meriton. Ka ardhur momenti ti jepet fund kohes te ketij bastardi vrases.
Përgjigju