POP 5

Lajmet më të lexuara të 5 minutave të fundit

Kultura

Pasuroi kulturën shqipe! Del në dritë vepra letrare e klerikut Don Jak Zekaj

Katër vepra letrare të klerikut, filozofit, teologut, shkrimtarit e poetit Don Jak Zekaj tashmë do të jenë në duart e lexuesve pas angazhimit të një grupi profesionistësh.

Pas shumë vitesh harresë, një pjesë e veprës letrare të klerikut, filozofit, teologut e shkrimtarit Don Jak Zekaj do të jetë në dorë të lexuesve. Ishte angazhimi i një grupi profesionistësh të fushës së letërsisë me mbështetjen e familjarëve që bënë të mundur botimin e veprave "Varret e Zemrës", volumi i parë "Kapuçat", përkthimin "Milosao" dhe monografinë "Don Jak Zekaj" nga Fran Palushi.

“Dom Jak Zekaj dhe gjithë plejada e klerikëve filolog e formësuan gjuhën dhe kulturën shqipe, e pasuruan dhe mbrojtën”, tha poeti Viktor Gjikolaj.

“Vepra poetik e Dom Jakut futet në radhën më të mirë të trashëgimisë”, tha botuesi, Frano Kulli.  

“Ka një varg rigoroz. I qëndron konsekuent metrikës”, tregoi shkrimtari Fran Palushi.

“Është shumë e bukur dhe pozitive që familja sot dhe të gjithë ju po angazhoheni që ta nxirrni nga sirtari këtë figurë”, tregoi kleriku, Dom Emiljan Paloka.

Një nga pasardhësit e tij, Artur Zekaj kujton jetën e vështirë të klerikut gjatë kohës së regjimit komunist.

“Dom Jakun e njoh se jam bërë 20 vjeç me të. Kam shtypur dhe një libër të tij në 96’. Ai po ma lexonte dhe unë e shkruaja. Buza në gaz gjithmonë. Ka vuajtur brenda. Sa shikonte dikë që vinte kthehej mbrapa”, tha Artur Zekaj, pasardhes i Don Jak Zekaj.

Kleriku, filozofi, teologu, shkrimtarit e poeti Don Jak Zekaj nga fshati Baqel i Lezhës i përket plejadës së intelektualëve e shkrimtarëve të klerit katolik të fillim shek. XX. Ai lindi në korrik të vitit 1906 dhe ndërroi jetë në dhjetor të vitit 1996, ku krahas angazhimit të tij si klerik ai la pas dhe një krijimtari të pasur letrare me mbi 10 dorëshkrime.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze