POP 5

Lajmet më të lexuara të 5 minutave të fundit

Sociale

'Pata dobësi, më çuan urgjent në Tiranë!' Rrëfimi i gruas në Lezhë dhe apeli i mjekes: Mos neglizhoni kontrollet për kancerin e gjirit

Gratë e moshës 50-vjeç e lart rezultojnë më të prekura nga kanceri i gjirit në Lezhë. Mjekja bën apel për kontrolle të shpeshta pasi pikërisht kjo grumposhë rezulton se neglizhon më shumë sëmundjen.

Në qarkun e Lezhës 20 gra e vajza janë diagnostikuar me kancer gjatë periudhes Janar-Shtator 2024. Trendi mbetet thuajse i njëjtë gjatë pesë viteve të fundit.

Situata është prezantuar nga mjekja e Shërbimit Onkologjik në Spitalin Rajonal të Lezhës, e cila thekson se gratë e moshës mbi 50 vjeç janë më pak të interesuara për të kryer kontrollet periodike.

“Unë shoh se mosha mbi 50 vjeç s’ka interes për kontrolle, por dhe mungesë informacioni. Në zonat rurale është më e theksuar, sepse ato s’kanë mundësi të vijnë. Gjithsesi i ftojmë të vijnë gjatë këtij muaji, pasi mamografia do punojë dhe të shtunën”, tha Bardha Gjoni mjeke onkologe.

Apelit për kontrolle të shpeshta i bashkohen dhe gratë që janë prekur nga kjo sëmundje.

“Kisha dobësi, këputje dhe shkova bëra vizitën. Mjeku tha se duhet të shkosh urgjent në Tiranë. Është faji im që nuk erdha më herët. U bëj thirrje të gjitha grave të mos neglizhojnë.

“Unë kam hasur me dorë gjendren në gji dhe kam ardhur këtu. Jam vizituar dhe po ndjek terapinë”, thanë ato.

Përgjatë tetorit rozë në Lezhë po zhvillohen një sërë aktivitetesh për parandalimin e kancerit të gjirit ndërsa mamografia ofrohet falas në spital për të gjitha gratë e qarkut, përfshirë Mirditën e Kurbinit. Ndërsa ne muajt e tjere te vitit mamografia mund të kryhet permes sistemit te referimit nga mjeku i familjes.

R.D/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Qeveria ngre Autoritetin Kombëtar për Sigurinë Kibernetike! I propozon kryeministrit shpalljen e krizës dhe masat emergjente

Qeveria ngre Autoritetin Kombëtar për Sigurinë Kibernetike! I propozon kryeministrit shpalljen e krizës dhe masat emergjente

18 Dhjetor, 18:34