Receta

Patate me qumësht në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 5 Dhjetor, 12:00 | Përditesimi: 5 Dhjetor, 12:01

Patate me qumësht në furrë

Përbërësit:

5-6 patate mesatare
4 gota qumësht
2 lugë vaj ulliri
3-4 thelpinj hudhër
2 lugë ajkë qumështi
2 lugë thërrime djathi
Kripë, piper

Përgatitja:

LEXO EDHE:
Sallatë ruse nga zonja Albana

Si fillim shpëlajmë patatet me ujë të bollshëm, më pas i qërojmë dhe i vendosim në një tas më ujë. Në një tavë hedhim pak nga vaji i ullirit dhe shtrojmë patatet të prera në rrathë jo shumë të hollë. Vendosim ajkën e qumështit e cila në këtë recetë do të luajë rolin e gjalpit, por duke i dhënë një shije akoma më të mirë. Pasi të kemi mbaruar me patatet, në një tas të madh hedhim katër gotat e qumështit dhe djathin duke i trazuar mirë. Masën e formuar ia hedhim tavës me patate, të cilat duhet të jenë të zhytura plotësisht në qumësht. E vendosim tavën në furrë për t'u pjekur në temperaturën 220-250 gradë. Si fillim e vendosim për t'u pjekur nga poshtë, më pas kur të ketë marrë një ngjyrë të artë, e vendosim për t'u pjekur dhe lart. Patatet do të piqen me qumështin duke marrë një aromë e shije fantastike.

MC/Shqiptarja.com

TAG: