Patate të mbushura me kimë dhe salcë beshamel nga zonja Albana

Patate të mbushura me kimë

Përbërësit:

• 4 patate të mëdha
• 1 filxhan kafeje vaj ulliri
• 1 qepë mesatare
• 1 fç mish i grirë
• Pak salcë domate
• Kripë, piper

Për salcën beshamel:

• 3 lgj miell
• 1 lgj gjalpë
• 2 gota qumësht
• 2 kokrra vezë
• 2 lgj djathë kaçkavall i grirë
• 1 lgj gjalpë për spërkatje

Përgatitja:

Patatet i lajmë dhe i vendosim të ziejnë të paqëruara në ujë të vakët me kripë. Më pas i qërojmë, i ndajmë përgjysmë dhe me lugë ose thikë krijojmë një boshllëk në mes për mbushje. I rreshtojmë patatet në tavë dhe i mbushim me kima të përgatitur me mish të grirë, qepë dhe erëza. Përgatisim salcën beshamel duke kaurdisur miellin me gjalpin derisa të zverdhet, e shuajmë më pas me qumësht dhe e lëmë salcën të lidhet. Në fund shtojmë vezët dhe pak djathë kaçkavall të grirë. Sipër mbushjes me kimë hedhim pak salcë beshamel, i spërkatim patatet e mbushura me djathë kaçkavall të grirë dhe gjalpë dhe i vendosim të piqen në furrë.

MC/Shqiptarja.com

TAG:
• zonjaalbana
• patate te mbushura me kime dhe salce beshamel
• gatime shtepie
• shije