Receta

Patëllxhanë me mish të grirë dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 4 Tetor, 11:33 | Përditesimi: 4 Tetor, 11:35

Patëllxhanë me mish të grirë dhe djathë

Përbërësit:

2 patëllxhanë të mëdhenj
300 gr mish të grirë
1 kokërr qepë
1 domate /salcë domate
1 spec të kuq
50 gr gjalpë
3 lgj vaj ulliri
300 gr djathë pice
Kripë, piper

Përgatitja:

LEXO EDHE:
Bakllava me kadaif dhe arra nga zonja Albana

Patëllxhanët i presim përgjysmë, pastrojmë pak nga pjesa e tulit, të cilën e presim në kubikë të vegjël. I spërkasim patëllxhanët me kripë, piper dhe pak vaj ulliri dhe i pjekim në furrë të parangrohur në 200 gradë. Ndërkohë në një tigan kaurdisim mishin e grirë me qepën. Më pas shtojmë salcën e domates dhe një spec të kuq në kubikë të vegjël. Rregullojmë shijen me kripë e piper. Tek patëllxhanët e prerë në kubikë shtojmë pak gjalpë dhe djathë të grirë dhe i përziejmë mirë. Mbushim patëllxhanët me një shtresë me mish të grirë dhe shtresën tjetër me djathë. E vendosim tavën në furrë në 200 gradë për 10 minuta.