Receta

Patëllxhanë të skarës në vaj e spec djegës nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Janar, 11:47 | Përditesimi: 9 Janar, 11:48

Patëllxhanë të skarës në vaj e spec djegës

Përbërësit:

2 patëllxhanë të mëdhenj
100 ml vaj për skuqje
1-2 speca djegës të freskët ose të thatë
2 tufa borzilok të freskët
Kripë e piper i zi i porsabluar

Përgatitja:

LEXO EDHE:
Supë me perime nga zonja Albana

Qërojmë patëllxhanët, i presim në feta 1 cm dhe i vendosim në skarën e nxehur më parë, në temperaturë të lartë. Pjekim të gjitha fetat duke i shtypur me pirun në mënyrë që sipërfaqja të ngjisë mirë me skarën. Pas afro 30 sekondash, i kthejmë fetat, pasi patëllxhani piqet shpejt dhe nuk duhet të thahet (shpojeni lehtë me majën e thikës: nëse tuli është i butë patëllxhani është bërë). Heqim fetat nga skara dhe i shtrojmë në një pjatancë. Në një tas bashkojmë vajin me kripën, piperin dhe specin djegës duke i rrahur me pirun. Spërkatim patëllxhanët e pjekur me vajin me spec djegës dhe i shërbejmë të ngrohta duke hedhur borzilok të freskët.

MC/Shqiptarja.com

TAG:

zonjaalbana
patellxhane te skares ne vaj me spec djeges
Receta te shpejta
shije

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com