Pavarësisht pandemisë, shqiptarët zgjedhin t'i kalojnë festat në Shqipëri! Fluks në portin e Durrësit

Në prag të festave të fundvitit shtohet dhe numri i personave që futen në Shqipëri për të kaluar këtë periudhë me familjarët e tyre.

Edhe në portin e Durrësit, këtë të dielë është vënë re një rritje e fluksit të udhëtarëve që hyjnë në vendin tonë.

Autoriteti Portual i Durrësit njofton se ditën e sotme priten që të hyjnë në Shqipëri, 3800 udhëtarë, me 3 tragete, 2 nga Bari dhe 1 nga Ankona.

Aktualisht porti po punon me kapacitet të plotë duke vendosur në funksion 20 sportele.

Ndërkohë janë shtuar dhe masat anti-COVID ku monitorohet gjendja shëndetësore e udhëtarëve në momentin e mbërritjes në port.

Lajmi kryesor:

S'i ndal as COVID për festat e fundvitit, fluks shqiptarësh në Kapshticë dhe portin e Durrësit!

E.M./Shqiptarja.com

TAG:
• greqi
• emigrante
• kapshtice
• festa