POP 5

Lajmet më të lexuara të 5 minutave të fundit

Bota

Pavarësisht protestave masive në Paris, senati francez miraton reformën për rritjen e moshës së daljes në pension

Senati francez ka miratuar planin e të reformës së pensioneve të propozuar nga presidenti, Emmanuel Macron ndërsa qindra mijëra protestues u mblodhën në qytete në të gjithë vendin për të kundërshtuar ndryshimet.

Pavarësisht protestave masive në Paris, senati francez miraton reformën për rritjen e moshës së daljes në pension

'Ku është drejtësia sociale', pankarta të protesuesve francezë në Paris

Senati francez ka miratuar planin e të reformës së pensioneve të propozuar nga presidenti, Emmanuel Macron ndërsa qindra mijëra protestues u mblodhën në qytete në të gjithë vendin për të kundërshtuar ndryshimet.

Senatorët votuan vonë të shtunën për miratimin e reformave me 195 vota pro, 112 kundër, duke e çuar më pranë shndërrimit në ligj paketën masa kryesore e së cilës është rritja e moshës së pensionit me dy vjet nga 62 në 64 vjeç.

“Pas qindra orësh diskutimesh, Senati miratoi planin e reformës së pensioneve. Është një hap kyç për të realizuar një reformë që do të garantojë të ardhmen e sistemit tonë të pensioneve”, shkroi kryeministrja Elisabeth Borne në Tëitter.

Ajo shtoi se ishte plotësisht e përkushtuar për të siguruar që teksti do të miratohet përfundimisht në ditët në vijim. Tani që Senati ka miratuar projektligjin, ai do të shqyrtohet nga një komitet i përbashkët i ligjvënësve të dhomës së ulët dhe të lartë, të mërkurën.

Nëse komiteti bie dakord për një tekst, një votim përfundimtar në të dy dhomat ka të ngjarë të bëhet të enjten. Por rezultati i kësaj duket ende i pasigurt në dhomën e ulët, Asamblenë Kombëtare, ku partia e Macron ka nevojë për votat e aleatëve për një shumicë.

Nëse qeveria ka frikë se nuk do të ketë vota të mjaftueshme në dhomën e ulët, është ende e mundur që ajo ta shtyjë tekstin pa votim parlamentar nëpërmjet një mjeti kushtetues të përdorur rrallë dhe shumë të diskutueshëm të njohur si neni 49:3.

Ditën e djeshme, si pasojë e grevave të punonjëve të shërbimeve të ndryshme, Parisi u mbulua nga qeset e plehrave të cilat nuk ishin grumbulluar nga punonjësit përkatës në formë proteste kundër reformës së pensioneve. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça