Indekset e klimës së biznesit treguan se më 2021, mungesa e punonjësve është kthyer në shqetësimin kryesor, por ndërkohë veprimet dhe masat e bizneseve për përmirësimin e menaxhimit të burimeve njerëzore nuk po ndihmojnë stimulimin e burimeve njerëzore.
Të dhënat zyrtare të INSTAT tregojnë se i gjithë sektori biznesit dha vetëm 2,2 miliardë lekë (19 milionë euro) shpërblime për punonjësit me 2021, me rënie vjetore 19.5 %. Shpenzimet për shpërblimet e punonjësve ishin më të ulëtat që nga viti 2010 kur datojnë të dhënat e INSTAT.
Prej reduktimit të numrit të popullsisë nga rënia e lindjeve dhe emigrimit të lartë të të rinjve, vendi është futur në emergjencë për punonjës në të gjithë sektorët, ndërsa ekspertet e burimeve njerëzore dhe ato të makroekonomisë besojnë se një nga mjetet më efikase është rritja e pagave, shpërblimet dhe trajnimet për punonjësit.
Në këto 20 vitet e fundit, ekonomia shqiptare është orientuar në sektorë me produktivitet të ulët. Por sërish produktiviteti kishte hapësira për rritje më të lartë të pagave, tha eksperti i ekonomisë, Selami Xhepa.
Ekonomia shqiptare funksionon ende në bazë të një modeli që shfrytëzon krahun e lirë të punës, por teksa lënda e parë (njerëzit) po shterojnë, bizneset shqiptare i llogarisin punonjësit si kosto, në vend që të forcojnë menaxhimin e burimeve njerëzore dhe të rrisin produktivitetin nëpërmjet tyre.
Ekspertët e burimeve njerëzore pohojnë se punonjësit sot kërkojnë një vetërealizim, i cili shpesh nuk përmbushet në vendin tonë. Tregu i pagave vitet e fundit ka mbetur në vendnumëro edhe për shkak të strukturës së ekonomisë. Nga ana tjetër, mendësia dhe mënyra e menaxhimit të të bërit biznes, ka mbetur si një lloj tregtie merr e jep, dhe jo si një mënyrë investimi i qëndrueshëm. Bizneset pothuajse nuk investojnë fare te burimet njerëzore dhe nuk përdorin instrumente stimulues i bonuse, shpërblime dhe trajnime për të rritur profesionalizimin.
Të dhënat e fundit treguan se bizneset shpenzojnë në trajnime vetëm disa qindarka, nga ana tjetër, kategori punonjësish që nuk e gjetën vendin në tregun shqiptar të punës janë shumë të suksesshëm jashtë vendit.
Nj anketë e INSTAT” gjeti në se në vitin 2020, pothuajse të gjitha aktivitetet ekonomike në vend kishin ulur në mënyrë drastike fondet për trajtimin profesional të punonjësve, nga 19-90% në varësi të aktiviteteve ekonomike në krahasim me vitin 2016.
P.sh., në vitin 2016, kostot vjetore të trajnimit profesional për punonjës arrinin nga mbi 3 mijë lekë në vit për aktivitetet e industrisë dhe shërbimeve deri në 7 mijë lekë në vit për aktivitetet financiare dhe sigurimit, ndërsa në vitin 2020 kostot e trajtimit profesional për punonjës variojnë minimumi 691 lekë për arsimin e shëndetësinë në maksimumi 1,800 lekë për tregtinë dhe transportin./Monitor
Komente
Lajme të tjera
-
Sfidat ekonomike s’kanë kaluar, Sejko: Integrimi në BE do të na vë përpara sprova të mëdha, të bëhemi gati! Dhuka: Të ruajmë stabilitetin ekonomik
13 Nëntor, 11:50
-
S'ka ndërgjegjësim/ Informaliteti 52% rritje! Biznesi punë në të zezë, pa sigurime dhe nëndeklarim page
24 Gusht, 14:50
-
Tatimet kujtesë bizneseve: Deklaroni pronësinë! Informacioni shërben për përllogaritjen e tatimit në burim
24 Korrik, 13:54 -
‘Superleku’ tkurr fitimet e bizneseve, eksportet në krizë! Turizmi nuk rrit importet
18 Korrik, 16:12
-
FMN: Përparoni në reformat për PPP-të! Inflacioni pritet të kthehet në objektivin prej 3%
15 Korrik, 17:23 -
Biznesmenët e Pogradecit kundër vendimit të Qeverisë: Nuk vendosim impiante për ujërat e zeza, janë të kushtueshme!
19 Qershor, 15:11
-
Shoqatat e biznesit do të 'shkrihen' në një Dhomë Kombëtare Ekonomie, viti i parë me tarifë zero
14 Maj, 16:27
-
Më shumë borxhe! Në 3 muaj bankat dhanë 814 mln €! Biznesi do investime, qytetarët shtëpi
29 Prill, 17:05
-
BB: Ekonomia e Shqipërisë pritet të rritet me 3.3% këtë vit! Biznesi të heqë dorë nga modelet “demode`”
11 Prill, 16:57
-
Hyn në fuqi akti normativ/ 1.4 mld lekë për shpërblimin e shtresave në nevojë për fundvit! Jepen 2 mld lekë për 60 bashki për të larë borxhet
18 Dhjetor 2023, 16:59
-
Ligji për sinjalizuesit do ndryshojë edhe bizneset me 50 të punësuar do të kenë 'spiunë'
1 Dhjetor 2023, 11:45 -
Të huajt hapin biznese në Vlorë, kryesojnë italianët! Drejtori i Tatimeve: Interesi u rrit 2 vitet e fundit, janë mbi 130 aktivitete të reja
17 Nëntor 2023, 15:34
Pse te rrisin pagat ata kur lejohet tu sjellin skllever nga Bangladeshi???!!!!
Përgjigju