TIRANË – Partia Demokratike ka akuzuar kryetarin e PS-së Edi Rama dhe deputetin Koço Kokëdhima se po tentojnë të vjedhin mandatin e PD-së në Lezhë me procesverbale të falsifikuara.

Gerti Bogdani nga selia e PD-së deklaroi se “Rama dhe Kokëdhima  kanë vjedhur me kërcënime votat e Lezhës dhe kanë kërcënuar me vdekje,  përfaqësuesin e Pd-së në KQZ, Njazi Kosovrastin.
 
Procesverbalet e KZAZ-së nr.13 në qarkun e Lezhës janë falsifikuar dhe asnjë kërcënim dhe asnjë akt kriminal nuk do imponojnë grabitjen e mandatit. PD-ja denoncon me ashpërsinë më të mëdha këto veprime të dyshes Rama-Kokëdhima dhe për këtë do të përgjigjen ata dhe vetëm ata. Ne i  kërkojmë prokurorisë të hetojë këto ngjarje dhe të ndërmarrë hapat e nevojshëm ,”- përfundoi Bogdani.
 
Redaksia online
(ar.sh/shqiptarja.com)