POP 5

Lajmet më të lexuara të 5 minutave të fundit

Arkiva

PD bojkoton zgjedhjet në Kurbin 
Paloka: Biba, jo kandidati ynë

Partia Demokratike do të bojkotojë zgjedhjet për Bashkinë e Kurbinit. Vendimi është marrë nga kryesia e degës së PD­-së, ku gjithashtu ka qenë i pranishëm edhe nënkryetari demokrat Edi Paloka. Vendimi është marrë pasi Kolegji Zgjedhor dhe më pas KQZ kanë zyrtarizuar si kandidat të PD për Kurbinin Artur Biba, megjithëse ai ka paraqitur dorëheqjen.  VIDEO
PD bojkoton zgjedhjet në Kurbin <br />Paloka: Biba, jo kandidati ynë
TIRANE- Kandidati i dorëhequr i PD-së, Altin Biba do të renditet i pari në fletën e votimit për zgjedhjet vendore në Bashkinë e Kurbinit. Ky ka qenë verdikti i shortit të hedhur në KQZ, pavarësisht kërkesës së vazhdueshme të PD për të mos u pranuar me vendimin për të lënë në garë kandidatin e dorëhequr Altin Biba.

Vetëm me votat e përfaqsuesve të mazhroancës në KQZ dhe atë të kryetares Lefteri Luzi, gjatë mbledhjes së djeshme në KQZ është miratuar fleta e votimit për këtë njësi vendore. Kryetarja e KQZ-së u shpreh gjatë votimit se është e detyruar të zbatojë vendimin e gjykatës, pavarësisht pakënaqësive që mund të kenë kandidatët e opozitës. Por vendimi i KQZ-së dhe Kolegjit Zgjedhor është kundërshtuar nga Partia Demokratike e cila ka vendosur të bojkotojë zgjedhjet në këtë njësi vendore.

Vendimi është marrë dje gjatë mbledhjes së kryesisë së zhvilluar pasditene djeshme në Kurbin, pjesë e së cilës ka qenë edhe kryetari i grupit parlamentar të Partisë Demokratike, Edi Paloka. Kreu i grupit demokrat, kërkoi nga votuesit e kësaj zone të mos marrin pjesë në procesin e votimit për shkak se i gjithë procesi zgjedhor është cënuar rëndë.

Partia Demokratike do të kërkojë shtyrjen e zgjedhjeve për këtë njësi vendore, për shkak se nuk ka garë me vetëm një kandidat dhe nuk mund t’i jepet në tavolinë kjo bashki së majtës. Kandidati i miratuar nga KQZ, Altin Biba, ka deklaruar se nuk do të marrë pjesë në garë dhe nuk dëshiron të jetë pjesë e këtij procesi zgjedhor, ndërkohë që kandidati tjetër i propozuar nga PD, vëllai i deputetit të PD-së Mhill Fufi, Ilir Pjetraj, nuk u pranuar nga gjykata.

Këlcyra
Kërkesa që PD paraqiti për ç’regjistrim të kandidatit të Këlcyrës, Gentian Muhameti gjeti mbështetje nga të shtatë anëtarët e KQZ-së.  Megjithëse Partia Demokratike e kishte kërkuar tërheqjen e këtij kandidati nga gara si të inkriminuar, KQZ nuk e pati të lehtë të merrte këtë vendim pasi siç theksoi edhe kryetarja Lefteri Luzi, nuk ka një bazë të fortë ligjore. Nënkryetari i KQZ, Biba pavarësisht se nuk kërkoi të marrë pozitat e gjykatësit, pranoi ç’regjistrimin e kandidatit.

”E kandiduan, tani befas doli kjo histori. Ne s’jemi gjykatë dhe nuk mund të shpallim të fajshëm apo të pafajshëm. Personalisht jam për pastrimin e procesit nga çfarëdolloj hije dhe për çrregjistrimin e kandidatit me çfarëdolloj dyshimes kriminale”, deklaroi Biba. Pavarësisht këmbënguljes së avokatit personal të kandidatit Muhameti, kryetarja Luzi vendosi që të ç’regjistrojë të propozuarin e PD-së, për t’i shërbyer procesit duke shmangur çdo lloj incidenti të mundshëm.


Shkrimi u botua në Shqiptarja.com (print) në 10 Qershor 2015

Redaksia Online
(d.a/shqiptarja.com)

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

'TikTok rrugaçi i lagjes', Rama: Në Kinë promovon natyrën, jashtë saj vetëm dhunë e krim

'TikTok rrugaçi i lagjes', Rama: Në Kinë promovon natyrën, jashtë saj vetëm dhunë e krim

21 Dhjetor, 13:58