PD, Bylykbashi: Do të fitojmë
mbi 71 deputetë më 23 qersho

TIRANE - PD nuk do të negociojë me socialistët për KQZ. Oerd Bylykbashi, ekspert i demokratëve, thotë se zgjidhja është në Kod, por Edi Rama po bllokon për të justifikuar humbjen sepse e djathta fiton zgjedhjet e 23 qershorit.

"Të gjitha llogaritë e koalicionit të 2009-ës nëse ne i ribëjmë kështu siç janë koalicionet, PD dhe koalicioni saj fiton 71 mandate. Në këtë perceptim të humbjes zoti Rama nuk bën gjë tjetër vetëm krijon një krizë e më pas thotë: si mund të dalë unë nga kjo krizë nëpërmjet një negociate.

Nuk mund të negociosh mbi ligjin, mund të negociosh për ligjin në kohën që po diskutohesh. Por që të bëhet ajo që thotë zoti Rama që Kodin Zgjedhor ta zëvendësojmë me një marrëveshje, kjo nuk mund të bëhet", deklaroi Bylykbashi.

Kërkesën për marrëveshje të majtët e kanë shoqëruar dhe me një formulë të re të KQZ, me variantin tre anëtar të opozitës, tre të maxhorancës dhe kryetar konsensual ai thotë se s’bëhet.

"Në mënyrë fare të qartë Kodi, e zezë mbi të bardhë thotë: KQZ funksionon kur ka 4 anëtarë, që votojnë, që janë prezent në mbledhje pra bëjnë kourumin dhe jo më kot e thotë këtë dhe merr vendime me 4 anëtarë.

Sigurisht, kur i duhet që të ketë 5 vota do të duhen 5. Nëse kjo nuk është e mundur zgjidhja është gjithmonë në Kolegj", tha Bylykbashi.

Sipas tij, nëse Edi Rama do tërheqë komisionerët e tij më 23 qershor, Kodi i ka dhënë zgjidhje edhe kësaj situate duke i dhënë të drejtën institucionit qendror të administrimit të zgjedhjeve që t'i zëvendësojë ata.

Redaksia Online
(s.g/shqiptarja.com)

TAG:
• kqz