POP 5

Lajmet më të lexuara të 5 minutave të fundit

Politikë

PD: Duam sistem zgjedhor
që të shmangë vjedhjet

Kryetari i opozitës, Lulzim Basha ka komentuar dje vendimin e Kolegjit Zgjedhor që rrëzoi padinë e PD-së me akuzat ndaj Partisë Socialiste për blerjen e votës në zgjedhjet e pjesshme të Korçës.
TIRANE- Kryetari i opozitës, Lulzim Basha ka komentuar dje vendimin e Kolegjit Zgjedhor që rrëzoi padinë e PD-së me akuzat ndaj Partisë Socialiste për blerjen e votës në zgjedhjet e pjesshme të Korçës. Pas përfundimit të takimit me kryetaren e misionit të vëzhgimit të zgjedhjeve të 23 qershorit Conny Mçormack dhe Steven Martin këshilltarin zgjedhor pranë ODIHR mbi zgjedhjet lokale në Korçë ai tha: “Edhe 4 muaj pas zgjedhjeve parlamentare shohim mazhorancën e re të dalë nga vota e 23 qershorit të bëjë deformimin e votës së qytetarëve nëpërmjet shitblerjes së votës, siç u duk në zgjedhjet e Korçës.

Bojkoti institucional ndaj KQZ vazhdon dhe ky bojkot bëri të mundur, që edhe për çështjen e ndjeshme të blerjes së votave në Korçë, vendimarrja e Apelit të mos funksionojë. Kolegji Zgjedhor mbylli sytë përpara asaj që qytetarët panë më sytë e tyre. Shprehim shqetësimin tonë të thellë për mosplotësimin e KQZ edhe në kushtet kur kemi të bëjmë me një mazhorancë të re, që ka detyrime ligjore për plotësimin e KQZ. Qeveria duhet të vejë para përgjegjësisë përgatitësit e sistëmit të blerjes së votës në Korçë”. Sipas tij, PD ka vendosmërinë përpara ligjit për të kontribuar në konsolidimmin e një sistemi elektoral.

“Informova zonjën Mçormack për të gjitha këto zhvillime. E informova për vendosmërinë tonë si PD për të vazhduar të japim kontributin tonë në konsolidimin e një sistemi elektoral i cili bën të mundur zgjedhje të lira dhe të ndershme dhe jo deformimin e vullnetit të zgjedhësve”, tha ai. Lulzim Basha tha edhe një herë se zgjedhjet e 23 qershorit kanë qenë zgjedhje të lira dhe të ndershme edhe pse KQZ funksionoi me 4 anëtar.

“PD-ja është partia që organizoi më 23 qershor zgjedhje të cilat, siç i cilësohen raporti i ODIHR-it, tregojnë një përparim të dukshëm dhe të qartë të përmbushjes së standarteve ndërkombëtare për zgjedhje të lira dhe të ndershme. Dhe kjo u bë edhe në kushtet e një bojkoti institucional të KQZ-së dhe në kushtet e organizimit nëpërmjet mjeteve të ndryshme të presionit apo të shit-blerjes së votës, të një skeme masive të deformimit të vullnetit të qytetarëve shqiptarë më 23 qershor”, u shpreh Basha.
 
Shkrimi u publikua sot (20.11.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Orë kritike, Kryepeshkopi Anastas në intubim pas operacionit! Besimtarët luten për shëndetin e tij

Orë kritike, Kryepeshkopi Anastas në intubim pas operacionit! Besimtarët luten për shëndetin e tij

11 Janar, 14:39