Sekretari i përgjithshëm i PD-së, Gazment Bardhi, i cili ishte edhe drejtuesi politik i kësaj partie në Elbasan, ka reaguar pasi demokratët humbën në zgjedhje. Me një shënim në Facebook, Bardhi ndalet edhe te vrasja e Pjerin Xhuvanit që e cilëson si ditën më të vështirë në jetën e tij, ndërsa akuzon PS-në për nxitje dhune. Pjerin Xhuvani u vra nga shoqëruesi i Gazment Bardhit, Arbër Palekaj.
"Për fat të keq, nga nxitja e Partisë Socialiste për dhunë, në këtë rrugëtim pati edhe ngjarje shumë të rënda. Si drejtues i fushatës së Partisë Demokratike në Elbasan, 21 Prilli ka qenë dita më e vështirë e jetës time. Humbja e jetës së një prindi dhe plagosja e 4 qytetarëve të tjerë, është një ngjarje që më ka tronditur thellë, pavarësisht rrethanave sesi ka ndodhur dhe përgjegjësi e kujt ishte. Çdo njëri prej nesh, përpara se të jetë politikan, është njeri, dhe tek unë qënia njeri është shumë herë më e fortë sesa roli si politikan. Zgjodha të mos i përgjigjem asnjë prej provokimeve dhe akuzave monstruoze të të vetmit përgjegjës për ngjarjen, Taulant Ballës, që edhe një ngjarje të rëndë, ku ka humbje jete dhe plagosje të qytetarëve, kërkonte ta përdorte për të përfituar politikish. Ky lloj politikanësh, nuk ka në fokus njerëzit, por vetëm veten dhe përfitimet personale. Janë të gatshëm të bëjnë gjithçka për të ruajtur pushtetin e paligjshëm", shkruan Bardhi.
Po ashtu ai hedh akuza ndaj PS për blerje votash dhe shantazh.
"I jam mirënjohës nga zemra atyre që na besuan. Mirënjohje pa kufi për të rinjtë e të rejat, për ekipin, për strukturat e PD, për demokratët që luftuan e rezistuan deri në fund, në një terren ku manipulimi, blerja e votës dhe kërcënimi ishin në maksimumin e vet. Jam i bindur që Elbasani e ka forcën për ta nxjerrë të keqen nga vetja, dhe nuk do të nënshtrohet megjithë makinerinë e mbrapshtë që përdoret për pushtet e interesa personale. Unë e kolegët e mi do të jemi në krah të këtij qyteti e në krah të qytetarëve, në çdo rrethanë dhe në çdo moment, për ti kthyer besimin që na është dhënë", thotë Bardhi.
Kujtojmë se vrasja e Pjerin Xhuvanit zbuloi edhe skandalin se PD kishte ngritur një grup të armatosur për mbrojtjen e votës në 25 prill, "Struktura për Mbrojtjen e Votës" (SMV). Lajmi u bë publik me zë dhe me figurë nga vetë Bardhi që po ashtu bëri me dije se Arbër Paplekaj, që vrau Xhuvanin te paarmatosur, ishte pjesë e kësaj strukture.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Elbasan/ Iu gjet 130 litra naftë e kontrabanduar në shtëpi arresrohet, 29 vjeçari
23 Nëntor, 13:49 -
Elbasan/ Ushtroi dhunë ndaj babait dhe i vodhi paratë, në pranga 31 vjeçari
23 Nëntor, 13:36 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Moti i keq/ Era e fortë dhe shiu i dendur ‘pushtojnë’ Elbasanin
22 Nëntor, 18:09 -
Elbasan/ Aksident në Belsh-Kuçovë, makina del nga rruga, plagosen shoferi 21-vjeçar dhe pasagjerja
22 Nëntor, 17:44 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35
Prokuroria per vrasjen e ndidhur ndaj Pjerin Xhuvanit nuk duhet te hetoje vetem kriminelin por i oandehur te merret dhe ky njwri i oeshtire Gaz Bardhi qe e mshehu vrasesin ,e miri ne nbrojthe duke ofenduar viktimen dhe ushtroi dhune verbale ndaj policuse duke thene se do ipni llogari mbas 25Prullit Ky ishte skenarisdt dhe ke babalja bashke me Selianjin
PërgjigjuTi dhe interviste mbi kufomen mer pusht..
PërgjigjuDhe kush flet per kercenime e shantazh! Ky derdimen i degjeneruar i cil;i ne Elbasan dhe ne tere shqiperine ka organizuar personalisht detashmentet famekeqe parealele te mbrojtjes se votes dhe arriti njeriu i tij te vrase dhe nje njeri,perfaqesues i kampit kundershtar.Hipokrizia dhe fallsiteti i ketij Gazit te botes,Gaz brigantit te Bashers nuk ka kufi.Ky,Paloka,Basha e Berisha per pushtetin e tyre jane gati te shkelin dhe mbi kufoma! Lum shqiperia per partine "e shpreses" te katandisur ne nje parti klanore me kriminele e bandite ne krye te saj!Keta sa me shume populli i perbuz me vote per krimet e sjelljen e tyre antidemokratike ,aq me te eger e me te papermbajtur behen.Nuk kane nxjerre e nuk kane ndermend te nxjerrin mesime ne keto 30 vjete,por kane kohe te mendohen ne 12 vitet e ardheshme ,duke pare Edi Ramen dhe arritjet e tij spektakolare ne interes te shqiperise e te shqiptareve me dylbi nga SHQUPI!
Përgjigju