POP 5

Lajmet më të lexuara të 5 minutave të fundit

Politikë

PD kërkon mos regjistrim të Qerim Ismailajt si kandidat në Mallakastër, Kolegji shqyrton me 24 prill ankimin! Përcaktohet trupa gjykuese

Kolegji Zgjedhor ka përcaktuar sot 24 prillin datën e shqyrtimit të ankimit të Partisë Demokratike për të mos regjistruar në zgjedhje si kandidat të Partisë Socialiste për Bashkinë e Mallakastrës Qerim Ismailajn. Sipas PD Ismailaj preket nga ligji i dekriminalizmit.

PD kërkon mos regjistrim të Qerim Ismailajt si kandidat në Mallakastër, Kolegji shqyrton me 24 prill ankimin! Përcaktohet trupa gjykuese

Qerim Ismailaj

Kolegji Zgjedhor ka përcaktuar sot 24 prillin datën e shqyrtimit të ankimit të Partisë Demokratike për të mos regjistruar në zgjedhje si kandidat të Partisë Socialiste për Bashkinë e Mallakastrës Qerim Ismailajn. Sipas PD Ismailaj preket nga ligji i dekriminalizmit. Kolegji njofton gjithashtu se sot trupa gjykuese me Blerona Hasa (Relatore) si dhe anëtarët Marsela Dervishi, Sokol Ibi, Emona Muҫi dhe Alma Kolgjoka.

Në kërkesën e Partisë Demokratike thuhet se nëse nuk vendoset shfuqizimi i vendimit të Celibashit për ta konsideruar në rregull verifikimit e formularit të dekriminalizimit të Ismailajt, atëherë kërkohet që të detyrohet KAS të marrë vendim dhe të shprehet në lidhje me ankimin e paraqitur nga ana e Partia Demokratike e Shqipërisë.

Në një vendim të marrë më 10 prill Komisioni i Ankimimeve dhe Sanksioneve nuk e mori fare në shqyrtim kërkesën e bërë nga Partia Demokratike për çregjistrimin e kandidatit të PS Qerim Ismailaj për bashkinë e Mallakastrës. Në denoncimin e bërë, Sekretari i Përgjithshëm i Partisë Demokratike, Gazmend Bardhi tha se Komisioni Qëndror i Zgjedhjeve ka shkelur ligjin duke regjistruar Ismailajn në zgjedhje si kandidat ndërkohë qw ky vendim bie ndesh me ligjin e dekriminalizimit. 

Ndërkohë që dje Partia Demokratike ka dërguar në KAS vendimin e Komisionierit të Zgjedhjeve Celibashi për të vendosur në fletën e votimit Qerim Ismailajn. PD thotë se regjistrimi i tij në zgjedhje është në proces ankimi dhe nuk mund të jetë në fletë votimi. 

Në kërkesën e dorëzuar në KAS, PD kërkon shfuqizimin e vendimit të Ilirjan Celibashit të marrë ditën e shtunë dhe ndalimin e kandidatit të PS për postin e kryebashkiakut në Mallakastër.

Kryetari i Bashkisë së Mallakastrës Qerim Ismailaj është dënuar në muajin shkurt nga GJKKO me 6 muaj burg, dënim që iu konvertua me 40 orë pune për interes publik, me akuzën për “Falsifikimi i vulave, i stampave ose i formularëve”.

Ismailaj është dënuar nga GJKKO për falsifikim dokumentesh, pasi ai ka rezultuar i dënuar më parë në Greqi, pasi ka rrahur një person në vitin 1999. Ismailaj nuk e kishte deklaruar këtë në formularin e dekriminalizimit, por ka thënë se s’ka qenë në dijeni të këtij dënimi në Greqi. Ka qenë vetë Partia Demokratike që ka denoncuar dënimin e Ismilajt në Greqi, që më pas u zbulua nga përgjigja e letër porosisë greke.

Rendit zhvillimet sipas orarit:
Ora 15:14
KAS rrëzon kërkesën e PD-së për Qerim Ismailajn, lë në fuqi fletën e votimit të miratuar nga KQZ

KAS ka vendosur rrëzimin e ankimit të Partisë Demokratike dhe ka lënë në fuqi vendimin e KQZ-së për Qerim Ismailajn. KQS ka lënë në fuqi fletën e votimit për Qerim Ismailajn për bashkinë Mallakastër.

M.Q./Shqiptarja.com

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29