Deputetët e Partisë Demokratike do të paraqiten fizikisht për të marrë pjesë në mbledhjet e Komisioneve Parlamentare. Vendimi është marrë nga Grupi Parlamentar i PD-së në mbledhjen e zhvilluar ditën e sotme brenda selisë blu e cila zgjati për rreth dy orë.
Sipas burimeve nga mbledhja për gazetaren e Report Tv, Danjela Maloku, PD nuk e njeh vendimin e Konferencës se Kryetareve për mbledhje online të komisioneve. Sipas demokratëve është vendim që bie ndesh me Rregulloren e Kuvendit dhe synon t’i shmanget përballjes me opozitën dhe të mohojë transparencën për qytetarët.
Po ashtu gjatë mbledhje kryetari i PD-së u ka dhënë porosi deputetëve që të zbresin në zonat e tyre elektorale e të dëgjojnë problemet e qytetarëve në mënyrë që të adresojnë shqetësimet e tyre.
Rritja e çmimeve, ecuria e hetimeve për masakrën zgjedhore të 25 prillit si dhe konsultimet me qytetarët për reformën territoriale, kanë qenë disa nga problematikat të cilat ka përmendur kryedemokrati që të diskutohen me qytetarët. Sipas Bashës, po ashtu duhet të bëhen gati mekanizmat që të adresojmë problemet e abuzimit me zgjedhjet dhe shitblerjen e votës.
Ajo që u vu re në mbledhjen e fundit të Grupit Parlamentar të PD-së, është se ndonëse nuk munguan debatet mes kryetarit Lulzim Basha dhe Flamur Nokës presioni i deputetëve për t’i kërkuar sërish llogari për vendimin e marrë në mënyrë personale, u duk më i zbutur. Ky i fundit Bashës i kërkoi të qartësojë demokratët dhe të flasë për masakrën zgjedhore.
Gjatë mbledhjes së sotme kryetari i PD-së, Lulzim Basha i ka udhëzuar deputetët që të zbresin në terren me qytetarët dhe të bëjnë publike shqetësimet e qytetarëve. Për të koordinuar denoncimet problematikat e qytetarëve dhe të grumbullojë propozimet konkrete që do të vijnë nga degë e deputetë demokratë janë caktuar nga kryedemokrati, Ervin Salianji dhe Arbër Agalliu.
Ervin Salianji, nënkryetar i grupit të PD dhe Arbër Agalliu sekretar grupi, do të jenë koordinues edhe për aksionet që do të ndërmarrin deputetët nga zonat e tyre.
Kryetari i Partisë Demokratike Lulzim Basha u ka bërë thirrje deputetëve që të zbresin në terren dhe të bëjnë publike shqetësimet e qytetarëve.
Basha deputetëve: Bëhuni zëri i problemeve të qytetarëve. Zbrisni në zonat tuaja dhe bëni publike shqetësimet e tyre. Rritja e çmimeve është skandaloze në kushtet e një varfërie që ka përfshirë shumicën dërrmuese të qytetarëve
Merrni informacion pranë prokurorive për ecurinë e hetimeve për masakrën zgjedhore të 25 prillit. Duhet bërë transparencë e procesit hetimor që po zvarritet me urdhra politik dhe ndjekur në çdo hallkë të gjyqsorit dhe jo vetëm. S'mund të pretendohet për drejtesi të pavarur përsa kohë nuk ndëshkon dhunuesit e procesit zgjedhor.
Ne duhet të bëjmë gjithçka për të ndarë politikën nga krimi me iniciativa ligjore e qytetare dhe denoncuar aferat e përditshme korruptive të qeverisë më të korruptuar të Europës e ndër më të korruptuarat në botë. Nisni konsultimet me qytetarët në zonat tuaja për reformën teritoriale. Së shpejti do të ngrihet grupi i punës në PD për të hartuar draftin ligjor.
Duhet të bëjmë gati mekanizmat që të adresojmë problemet e abuzimit me zgjedhjet dhe shitblerjen e votës, si dhe reformë zgjedhore dhe instrumenta zbatimi që mundësojnë rregulla të barabarta zgjedhore për të gjitha subjektet duke u bazuar në praktikat e mira europiane.
Komente
Lajme të tjera
-
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35
I perzuri deputetet ky tani. Ikni neper zona u thote. Mmmmm, tani neper zona po shkon Berisha, po ai eshte perjashtuar nga grupi. Cte jete kjo pune, injorance e Bashes, do te rrije vetem per te kurdisur ndonje pisllik me Kimin apo si?
Përgjigju