PD për tenderin e anuluar: Djali i
Leskaj, 700 mln lekë nga OSHEE

Partia Demokratike akuzon kryeministrin Edi Rama se po i jep jep 700 milion lekë djalit të nënkryetares së Kuvendit, Valentina Leskaj, për një trajnim të punonjësve të OSHEE. Nga selia e PD-së Sekretarja për Marrëdhëniet me Publikun, Grida Duma tha se kjo provohet me fakte.

"Pikërisht nga paratë e gjakut të shqiptarëve të mbledhura me dhunë e me kërbaç, me burg, kryehajduti i Edi Ramës, Ardian Çela, i jep paratë paratë e të pamundurve djalit tjetër të zonjës Leskaj, për mirë trajtimin  ndaj stresit, për punonjësit e OSHEE. 700 milionë lekë merr djali i deputetes, i nënkryetares së Kuvendit, për të trajtuar stresin e OSHEE, ndërkohë që kjo bandë e Edi Ramës shkaktoi tronditje e dramë tek mijëra familje, tek mijëra të pamundur, duke i lënë në errësirë, duke i dërguar në burgje duke u marrë dhe jetën nga arroganca e trajtimi çnjerëzor", tha Duma. 

Por, vetë djali i Valentina Leskaj, Besnik Leskaj pak ditë më parë deklaroi për "Shqiptarja.com" se kompania ABKONS ishte e vetmja garues në tenderin e OSHEE-së dhe u tërhoq pas shpalljes se rezultatit gjë e cila solli anulimin e tenderit.









Ja deklarata e plotë e Dumës
Kryefamiljarët, Qamil Zela, Llazi Nasi, Gjovalin Lazri, Arif Doda, ju dorëzuan varfërisë dhe u vetëflijuan për një faturë energjie, ndërsa nuk ju hap asnjë derë shpëtimi nga OSHE; sot familjet e tyre janë më keq se në mëshirë të fatit. Dhjetra qindra mijëra familje që janë në fije të perit të zhytur në varfëri.
Por kush paska nevoje të trajtohet për tensionin e madh dhe stresin? OSHEE, banda më famëkeqe e Edi Ramës, burimi më i madh i stresit dhe i depresionit për qytetarët.

Pikërisht nga paratë e gjakut të shqiptarëve të mbledhura me dhunë e me kërbaç, me burg, kryehajduti i Edi Ramës, Ardian Çela, i jep paratë paratë e të pamundurve djalit tjetër të zonjës Leskaj, për mirë trajtimin ndaj stresit, për punonjësit e OSHEE.

700 milionë lekë merr djali i deputetes, i nënkryetares së Kuvendit, për të trajtuar stresin e OSHEE, ndërkohë që kjo bandë e Edi Ramës shkaktoi tronditje e dramë tek mijëra familje, tek mijëra të pamundur, duke i lënë në errësirë, duke i dërguar në burgje duke u marrë dhe jetën nga arroganca e trajtimi çnjerëzor.

Ja ku janë dokumentat.
700 milionë lekë për ABKONS, për Besnik Leskaj, për një trainim 4 mujor të punonjësve.
175 milionë lekë në muaj, ose afërsisht 6 milionë lekë në ditë i jep Edi Rama djalit të zonjës Leskaj, nga paratë e gjakut të shqiptarëve të marra me dhunë e me kërbaç prej OSHEE-së.

Fondi limit ishte 720 milionë lekë, dhe ofertuesi i vetëm është djali i tjetër i zonjës Leskajt me 700 milionë lekë. Gjithçka e mirëkalkuluar që paratë të ndahen, të shkojnë sipas porosisë së shefit të madh.
Ju kujtojmë se për zonjën Leskaj ka një kërkesë në Kuvend për mbarimin e mandatit, pasi djali tjetër i saj ka marrë hekurudhën Ballsh-Fier-Vlorë për 25 vjet, dhe kjo e bën mandatin e deputetes së Ramës të pavlefshëm, sipas Kushtetutës.E keni dëgjuar Edi Ramën që thotë shtet, shtet, po bëjmë shtet.Ky pra është shteti i Edi Ramës.

Shteti më i korruptuar në ballkan, më i pamëshirshëm i ngritur nga kryeministri më i korruptuar në Ballkan.

Redasksia online
(S.m/shqiptarja.com)