Palët janë bashkuar në qëndrimet e tyre vetëm në votimin që kanë zhvilluar në Këshill për t’ia kaluar Kuvendit kërkesën për arrestimin e deputetëve. Ndërkohë që dhe në seancë, demokratët kanë refuzuar ta votojnë këtë kërkesë duke braktisur seancën plenare. Në qëndrimin e saj opozita ka qenë e unifikuar për këtë çështje duke i konsideruar si të pafajshëm deputetët Doshi e Frroku.
Në një postim në profilin e tij në “facebook”, ish-kryeministri Berisha sqaron se arrestimi i rrufeshëm i deputetëve Tom Doshi dhe Mark Frroku është bërë për të shpëtuar kreun e Kuvendit, Ilir Meta.
“Ata u arrestuan sot me urgjencë si në të shkuarën tonë me të hidhur për të shpëtuar kokën e peshkut që qelbet dhe kundërmon në mbarë Europën, të Ilir Metës që është dhe autori i vërtetë i porositjes së vrasjes se dy deputetëve dhe një shpifës dhe manipulues sa vet shpifja dhe trillimi. Arrestimi i deputetëve jo vetëm që nuk i dha përgjigjen që pret çdo shqiptar ndaj akuzave më të rënda në historinë e vendit por vetëm dëshmoi se si pushteti arrin të mbulojë skenare monstruoze vrasjesh për pushtet dhe afera të tjera kriminale. Shqipëria ecën drejt destabilizimit nga krimi i lidhur me pushtetarët më të lartë. Vetëm revolucioni demokratik qytetar do të rrëzojë murin e krimit të pushtetarëve të klikës Rama - Meta dhe shpëtojë Shqipërinë nga një rrënim i vërtetë”, ka thënë Berisha.
Të njëjtin qëndrim me të ka mbajtur në “A1 Report” edhe deputeti i PD, Kastriot Islami, i cili ka theksuar faktin se Këshilli i Mandateve duhet të kishte pranuar kërkesën e deputetit Tom Doshi për të prezantuar videon në të cilën shfaqet Durim Bami me pretendimet se është kërcënuar me jetën e fëmijëve të tij për të ndryshuar dëshminë.
Ndërkohë që për kreun e grupit parlamentar të LSI-së, Petrit Vasili, prokuroria ka bërë thjesht detyrën e saj me arrestimin e dy deputetëve.
“Nuk kam asnjë koment të veçantë. Besoj janë veprimet që drejtësia kryen në këto raste. Nuk kam asnjë koment të veçantë. Besoj janë veprimet që drejtësia kryen në këto raste” u shpreh Vasili. Në një intervistë të dhënë për “A1 Report”, kreu i grupit të LSI, deklaroi se shqiptarët gjatë gjithë kësaj kohe ishin bërë pjesë e një komploti me qëllim të vetëm destabilizimin e vendit. Por siç nënvizoi ai fushata e shantazhit dhe rritjes së pasigurisë për interesa të individëve të caktuar. “Unë nuk kam pasur kurrë dyshim se shqiptarët janë shumë herë më të zgjuar se politika. Pra gjykimi i shqiptarëve është shumë inteligjentë. Ka ardhur koha për të mbajtur një qëndrim të qartë për të dekurajuar këto qëllime të zeza që pamë këto kohë”, deklaroi Vasili.
Dy ditë më parë kreu i Komisionit të Sigurisë, Spartak Braho hodhi edhe një tjetër akuzë në drejtim të deputetit Tom Doshi, lidhur me një raport mjekësor që ky i fundit ka paraqitur në fillim të kësaj jave për të mos u paraqitur në mbledhje. Braho akuzoi Doshi se raporti ishte lëshuar nga një mjek, bashkëshorten e së cilit deputeti e ka të punësuar në firmën e tij private.
Shkrimi u botua në Shqiptarja.com (print) në 27 Mars 2015
Redaksia Online
(d.a/shqiptarja.com)
Lajme të tjera
-
U arrestua për herë të dytë në Dubai, Durim Bami kërkon të mos deportohet në Shqipëri: Më rrezikohet jeta, 16 persona duan të më vrasin
29 Tetor, 13:15 -
Durim Bami arrestohet për herë të dytë në Dubai, pritet të deportohet drejt Shqipërisë! Konfliktet me ish-deputetin Ndoka dhe dosja 'Revanshi'
28 Tetor, 15:08 -
Durim Bami u arrestua sërish në Dubai? Ende s'ka konfirmim zyrtar
27 Tetor, 11:16 -
'S'kam përdorur Sky'! Zbardhet dëshmia e Marklen Hakës në seancë, mohon se mori pjesë në atentatin ndaj Durim Bamit! GJKKO e lë në arrest me burg
8 Shtator, 11:59 -
SKEDA/ Konfliktet hakmarrëse mes Marklen Hakës dhe Gentjan Bejtjas! Vrasja e hallës, atentatet në seri mes tyre dhe vrasjet
6 Shtator, 16:08 -
SKEDA/ Gentjan Bejtja, ‘mishi i huaj’ mes klanit të Ervis Martinajt dhe aleancave Dokle-Duka-Bami! Saga e hakmarrjes, viktimat e atentateve dhe precedentët
29 Gusht, 11:54 -
Arrestimi i Durim Bamit në Dubai, kryepolici Rrumbullaku: S'është liruar, i është lehtësuar masa! Burime për 'Report TV': Ndodhet në arrest shtëpie
14 Gusht, 12:28 -
Shqipëria kërkonte ekstradimin, Durim Bami lirohet 2 muaj pas arrestimit në Dubai! Rivalët ofruan 1 mln euro për ‘kokën’ e tij
13 Gusht, 23:10 -
Ekstradohet nga Belgjika Leonard Duka! SPAK e shpalli në kërkim për vrasjen e Santiago Malkos, ekzekutoi Erigers Mihasin dhe planifikoi eliminimin e Ervis Martinajt
2 Gusht, 13:38 -
Operacioni ‘Revanshi’/ Autoritetet në Dubai thonë se kanë ndaluar Marklen Hakën! Policia shqiptare i dërgon të dhënat biometrike
31 Korrik, 21:06 -
Arrestimet e policisë, eksperti Softa: Duhet shkuar tek grosistët e mëdhenj të drogës! Durim Bami i lidhur me politikën, shpresoj të dalë 'pendito'
12 Korrik, 19:31 -
'21 janari', Dumani: Do ta hetojmë, zbatojmë vendimin e Gjykatës së Lartë! Afera 'Partizani'? Kreu i SPAK: Berisha nën hetim pasuror (E PLOTË)
8 Korrik, 11:41
