POP 5

Lajmet më të lexuara të 5 minutave të fundit

Politikë

PD: Tahiri ka koordinuar trafikun e
drogës, duhej të ishte në burg

Menjëherë pas analizës së bërë të punës së Ministrisë së Brendshme, nga Ministri Sajmir Tahiri, ka reaguar Partia Demokratike e cila ka thënë se ministri Tahiri duhej të ishte vënë në hekura si koordinatori dhe protektori i trafikut të lëndëve narkotike.  VIDEO
PD: Tahiri ka koordinuar trafikun e<br />drogës, duhej të ishte në burg
Menjëherë pas analizës së bërë të punës së Ministrisë së Brendshme, nga Ministri Sajmir Tahiri, ka reaguar Partia Demokratike e cila ka thënë se ministri Tahiri duhej të ishte vënë në hekura si koordinatori dhe protektori i trafikut të lëndëve narkotike.

Në një dalje për mediat, Ina Zhupa, anëtarja e Këshillit Kombëtar të PD-së, tha se Tahiri është ministri që përdor makinën e tij për trafik droge, ministri që vendosi rekordin e hashashizimit të vendit apo ministri që ndëshkon e largon nga puna punonjësit e policisë.

Ajo shtoi se Tahiri është Ministri që fshehu urdhër ekstadimin e Mark Frrokut, ndihmoi në arratisjen e të akuzuarit për vrasjen e kryekomisar Dritan Lamaj, Arben Frrokut, njeriu që u mundua të mbajë  të fshehur dhe të manipulojë provat për deputetin Armando Prenga dhe që organizoi zjarrvënien në laboratorin e policisë shkencore.


Ja deklarata e plotë e Partisë Demokratike
Sajmir Tahiri që duhet të ishte prapa hekurave si koordinatori dhe protektori i trafikut te lëndeve narkotike, u kujton burgun shqiptarëve, të pamundurve atyre që s’kanë 2 mijë leke të paguajne dritat.
Ministri i krimit të organizuar, makina personale e të cilit përdoret për trafik droge nga kushërinjtë e tij Habilaj, njeriu që vendosi rekordin historik të hashashizimit të Shqipërisë, kërcënon, transferon apo ndëshkon punonjësit e policisë kur nuk mbyllin sytë para trafikantëve të preferuar të ministrit.
Ministri që ka rrëfyer para kamerave se ka shkelur nenin 352 të Kodit Penal, duke ndaluar zbatimin e një vendimi gjykate, nen i cili parashikon dënim me burg deri në 7 vjet, njeriu i cili ka rrëfyer para shqiptarëve se ka shitur makinën e tij luksoze pa kupon, pa paguar TVSH, pa paguar asnjë taksë, njeriu që fton në zyrën e tij vrasës me pagesë si Durim Bami, u kujtoi burgun tregtarëve dhe fermerëve për një kupon tatimor për një kg qepë apo kripë.
Ministri që la në mëshirë të fatit banorët e Fierit, Vlorës, Elbasanit, Korçës etj kur iu përmbytën shtëpitë e tyre flet sot për masa të marra kundër permbytjeve.
Ministri i Brendshëm që fshehu urdhër ekstadimin e Mark Frrokut, ndihmoi në arratisjen e të akuzuarit për vrasjen e kryekomisar Dritan Lamaj,  Arben Frrokut, njeriu që u mundua të mbajë  të fshehur dhe të manipulojë provat për deputetin Armando Prenga dhe që organizoi zjarrvënien në laboratorin e policisë shkencore, njeriu i skeduar nga shërbimet si njeriu që komunikon rregullisht me krerët e bandave të narkotrafikut, flet për barazi para ligjit dhe u kujton burgun qytetarëve që rregullojnë çatitë e shtëpive në prag të dimrit.
Njeriu që urdhëroi përfshirjen e policisë në dhunimin e zgjedhjeve dhe votës së lirë, ministri i krimit dhe korrupsionit, njolla e turpit e Shqipërisë duhet të largohet njëherë e mirë, një orë e më parë si parakusht për stabilizimin e rendit dhe sigurisë dhe  duhet të vihet para drejtësisë.


Redaksia Online
(F.T/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Pesha e padurueshme e diktaturave! Kur të zhveshurit ishim ne!

Pesha e padurueshme e diktaturave! Kur të zhveshurit ishim ne!

5 Nëntor, 20:12 nga Alba Malltezi