POP 5

Lajmet më të lexuara të 5 minutave të fundit

Bota

PE masa ndëshkuese Hungarisë, shkak, politikat diskriminuese të kryeministrit Viktor Orban

Hungaria mund të jetë i pari vend që do t’i hiqet e drejta e votës në Parlamentin Europian. Ky i fundit ka nisur një proces disiplinor ndaj këtij shteti, për shkak të shkeljes së demokracisë dhe politikave diskriminuese ndaj emigrantëve.

Problemet e theksuara me demokracinë që ka shfaqur vitet e fundit Hungaria, ka bërë që Parlamenti Europian të ndërmarrë masa ndëshkimore ndaj saj. Me masat e sotme, PE ka nisur një proces që mund të çojë në përfundim në pezullimin e të drejtës së votës të këtij vendi në bllok.

Kjo është hera e parë që Parlamenti nis një proces disiplinor kundër një vendi anëtar, duke treguar pakënaqësinë e thellë në disa pjesë të Europës për politikat e ndjekura nga ana e kryeministrit të vendit, Viktor Orban.

Votimi në Parlamentin Europian vjen 9 muaj pasi Komisioni përdori fuqitë e tij për të nisur të njëjtin proces kundër Polonisë. Eurodeputetët e mbështetën votimin me 448 vota pro dhe 197 kundër.

Por, Hungaria do të përballet me masa disiplinore vetëm nëse ato miratohen edhe nga liderët kombëtarë të vendeve anëtare, një lëvizje që gjithsesi pritet të bllokohet nga Polonia. Masat mund të përfshijnë pezullimin e Hungarisë nga e drejta për votë në Europë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33