Pas kalimit të Neymar-it te Barcelona, legjenda e futbollit brazilian, Pele ka thënë fjalët më të mira për sulmuesin, madje duke e cilësuar edhe më të mirë se Messin. 

“Transferimi te Barcelona ishte një gjë fantastike. Neymar e meriton një gjë të tillë sepse luan një futboll spektakolar dhe ka nevojë për më shumë eksperiencë.

Europa është Europë sepse aty luhet futboll i ndryshëm nga ai në Amerikën e Jugut. Futbolli në Europë është më fizik por Neymar është një gjeni dhe unë i uroj shumë fat.

I përdor të dyja këmbët dhe godet mirë me kokë. Më pëlqen shumë Messi, por mendoj se Neymar ka më shumë mundësi për të qenë më i mirë se ai” përfundoi Pele.


d.b/shqiptarja.com