Pelegrinazhi në malin e Tomorrit, mijëra besimtarë ngjiten në Teqenë e Kulmakut! Kurbani i sakrificës dhe lutjet, shoqërojnë traditën e bektashinjve

Pelegrinazhi në malin e Tomorrit, mijëra besimtarë ngjiten në Teqenë e Kulmakut! Kurbani i sakrificës dhe lutjet, shoqërojnë traditën e bektashinjve

Pelegrinazhi në malin e Tomorrit

Prej 18 gushtit, në Berat ka nisur pelegrinazhi në Malin e Tomorrit, festa e shenjtë e Bektashinjve që mbledh çdo vit në Teqen e Kulmakut mbi 300 mijë pelegrinë.

Mijëra pelegrinë nga e gjithë Shqipëria dhe diaspora, si çdo vit janë bërë pjesë e kësaj feste fetare, e cila do të vijojë deri më datën 25 gusht.

Gjatë 5 ditëve të pelegrinazhit, në Teqenë e Kulmakut, pranë varrit të Abaz Aliut ku po kryhen ritet fetare të festës, çdo pelegrin falet për shëndetin dhe paqen në familjet e tyre.

Të gjithë besimtarët dhe pelegrinët që i bashkohen kësaj feste të shenjtë, në shenjë mirësie bëjnë kurban një qengj për veten dhe familjen.

Besimtarët ngrenë çadrat e tyre në këtë vend të shenjtë duke kryer jo vetëm kurbanin e festës, por duke ngjitur me këmbë edhe majën e Malit të Tomorrit.

Ditët e pelegrinazhit në Malin e Tomorrit përfundojnë në 25 Gusht, por kulmi i kësaj feste arrin në datën 22 dhe 23 Gusht.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?



×

Lajmi i fundit

Vlorë, merr flakë kati i parë i një banese, zjarrfikësit në vendngjarje

Vlorë, merr flakë kati i parë i një banese, zjarrfikësit në vendngjarje