POP 5

Lajmet më të lexuara të 5 minutave të fundit

Politikë

Peleshi në qeveri, në Korçë
do mbahen zgjedhje të reja

Zgjedhje të reja do të mbahen në qytetin e Korçës, ku pas dorëheqjes së kryebashkiakut Peleshi, i cili do të mbajë postin e zv.kryeminsitrit, pritet që votuesit në këtë qytet të zgjedhin drejtuesin e ri vendor të tyre.
TIRANE - Pas propozimit të bërë nga Kryeministri i ardhshëm Edi Rama, për të qenë zëvendëskryeministër, Niko Peleshi duhet të japë dorëheqjen nga posti i kryetarit të Bashkisë së Korçës, të cilin e mban prej vitit 2007, kur u zgjodh në këtë post. Dorëheqja e tij do të sjellë për qytetin e Korçës edhe ribërjen e zgjedhjeve të reja vendore, nga ku do të zgjidhet kryebashkiaku i ri në këtë qytet. Referuar Kodit Zgjedhor, zgjedhjet do të mbahen jo më vonë se 45 ditë nga deklarimi i vendit vakant, i cili mësohet se do të shpallet ditën që Niko Peleshi do të betohet si zv.kryeministër i Shqipërisë.

Neni 10 i kodit përcakton qartësisht se dekretimi i datës së zgjedhjeve në rast kur hiqet dorë nga mandati, siç është në rastin e Peleshit, atëherë zgjedhjet e reja do të dekretohen jo më vonë se 45 ditë nga dorëheqja e tij nga ky post. Në javën e parë të shtatorit pritet që të bëhet dhe ceremonia e betimin të kabinetit të ri, ç`ka lë të hapur në këtë mënyrë për qytetin e Korçës, dekretimin e datës së zgjedhjeve për krryebashkiak të ri.
 
KODI

Kodi përcakton edhe afatat kohore dhe procedurat që do të ndiqen për mbajtjen e zgjedhjeve vendore në këtë qytet. “Në rast të ndërprerjes së mandatit, për shkaqet e parashikuara në nenin 115 të Kushtetutës, zgjedhjet mbahen jo më parë se 30 ditë dhe jo më vonë se 45 ditë nga data e njoftimit të ndërprerjes së mandatit.

Në rast ankimi të organit të shpërndarë ose të shkarkuar, zgjedhjet zhvillohen jo më parë se 30 ditë dhe jo më vonë se 45 ditë nga mbarimi i afatit që ka organi i shpërndarë për të ankimuar vendimin e Këshillit të Ministrave në Kushtetuese, kur kjo e drejtë nuk është ushtruar, ose data e vendimit të Gjykatës Kushtetuese, në rast se është ankuar në këtë gjykatë brenda afatit.

Në çdo rast, Presidenti nxjerr dekretin jo më vonë se 48 orë nga njoftimi për ndërprerjen e mandatit”, thuhet në kod. 2.Për efekt të këtij Kodi, mandati i organeve të qeverisjes vendore mbaron në të njëjtën datë të të njëjtit muaj të vitit të katërt pas datës së shpalljes me vendim të KQZ-së në shkallë vendi të rezultateve të zgjedhjeve për organet e qeverisjes vendore”, thuhet në kod.

Shkrimi u botua sot në gazetën Shqiptarja.com (print0 01.08.2013
 
Redaskia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

11 Janar, 10:43