Pelinku nga Vora: 99 % e qendrave të votimit ka pasur identifikim elektronik, janë zëvendësuar 15 pajisje elektronike

Nënkryetarja e KQZ, Lealba Pelinku tha se procesi i identifikimit elektronik është mbuluar në 99 % të qendrave të votimit. Ajo tha se ka pasur disa problematika në të gjithë vendin dhe se janë zëvendësuar 15 pajisje PEI të identifikimit elektronik.

“Na ndajnë 2 orë nga mbyllja e votimit në 6 bashkitë. Përdorimi i teknologjisë për identifikimin elektronik bëhet fjalë bëhet fjalë për një mbyllim 99 % të qendrave të votimit.  Për problematikat që lidhen me vështirësitë që ka krijuar moti në Shkodër bëhet fjalë për 3 qendra votimi që ka qenë e pamundur pajisja e identifikimit. Kemi një qendër në Durrës dhe Dibër që janë bërë me dije në orën 07:00 sot dhe ka qenë  e pamundur zëvendësimi i operatorit. Kemi pasur edhe dy qendra votimi ku procesi ka nisur me pajisjen PEI dhe më pas është vazhdar manualisht. Bëhet fjalë vetëm për dy qendra votimi ku nuk është arritur të bëhet zëvendësi. Në një rast nuk ka respektuar afatin prej dy orësh  për zëvendësimin e  pajisjes dhe është vendosur në kalimin manual. Kanë qenë 15 pajisje PEI që janë zëvendësuar pasi kanë shfaqur probleme. Votimi elektronik ka ecur në mënyrë të shkëlqyer dhe nuk kemi dyshim që edhe numërimi do të kryhet në qendrat e votimit dhe do të raportohet si rezultat paraprak në KQZ”, tha ajo.

Lajmi kryesor:

Zgjedhjet, mbyllet votimi, pjesëmarrja 30.33%! Celibashi: Rezultati do dalë para orës 22:00 të së hënës! Pelinku: Në 99 % e qendrave të votimit ka pasur identifikim elektronik

/r.k./Shqiptarja.com

TAG:
• zgjedhjet 6 mars 2022
• kqz
• ilirjan celibashi