POP 5

Lajmet më të lexuara të 5 minutave të fundit

Politikë

Pendarovski: Të mbështesim njeri-tjetrin për integrimin! Ruçi: Të zbatohet marrëveshja e Ohrit për shqiptarët

Kryetari i Kuvendit të Shqipërisë e vendosi theksin edhe te zbatimi i marrëveshjes së Ohrit. Presidenti Stevo Pendarovski u shpreh se vendet e Ballkanit Perëndimor nuk duhet të pranojnë asnjë alternativë tjetër, përveçse anëtarësimit në BE.

Pendarovski: Të mbështesim njeri-tjetrin për integrimin! Ruçi: Të zbatohet marrëveshja e Ohrit për shqiptarët

Stevo Pendarovski dhe Gramoz Ruçi

TIRANE-Kryetari i Kuvendit, Gramoz Ruçi dhe Presidenti i Maqedonisë Stevo Pendarovski u shprehën njëzëri se vetëm nëse bashkëpunojnë me njëri tjetrin, dy vendet do të përballojnë më mirë sfidën e integrimit në BE.  “Shqipëria është një fqinje dhe mike e madhe, e sinqertë dhe e përhershme e Republikës së Maqedonisë së Veriut.  Kuvendi i Shqipërisë ishte ndër të parët parlamente që ratifikoi Protokollin e pranimit të Maqedonisë së Veriut në NATO. Të dy popujt dhe vendet tona i bashkon e kaluara, e tashmja dhe e ardhmja. Ne duhet të bashkëpunojmë sespe kështu i përballojmë më mirë e më lehtë sfidat  e përbashkëta  që kemi përpara. Bashkëpunimin e shkëlqyer politik duhet ta shtrijmë edhe në marrëdhëniet dhe bashkëpunimin ekonomik.  Vendimi i Këshillit Eurupian nuk na dekurajon, por na bën të shohim përpara, drejt së ardhmes. Vendet tona kanë vetëm një plan A për të ardhmen dhe ky është destinacioni i Bashkimit Europian. Ne inkurajojmë qëndrimet konstruktive të shqiptarëve në Maqedoninë e Veriut dhe kontributin e tyre në  shërbim të zhvillimit, prosperitetit dhe integrimit europian të Republikës së Maqedonisë së Veriut" tha Ruçi.

Kryetari i Kuvendit të Shqipërisë e vendosi theksin edhe te zbatimi i marrëveshjes së Ohrit. "Ne mendojmë se është në interes të Maqedonisë së Veriut të bëjë ç’është e mundur për të mbështetur të drejtat kulturore e arsimore të shqiptarëve në kuadër të implementimit të Marrëveshjes Kuadër të Ohrit. Vlerësojmë punën e bërë deri tani për Ligjin për Përdorimin e Gjuhëve dhe besojmë se zbatimi i duhur i Ligjit për gjuhët dhe vendosja e shpejtë e mekanizmave të monitorimit do të siguronin një qasje më të mirë dhe më të drejtë në shërbime për shqiptarët”.

Presidenti Stevo Pendarovski u shpreh se vendet e Ballkanit Perëndimor nuk duhet të pranojnë asnjë alternativë tjetër, përveçse anëtarësimit në BE. “Vendosa me dëshirë që vizitën e parë në vendet fqinje ta kryeja në Shqipëri. Ju falenderoj për ratifikimin e menjëhershëm të Protokollit të anëtarësimit tonë në NATO sepse anëtarësia në këtë Organizatë është jetike për Republikën tonë. Ne u jemi mirënjohës shqiptarëve për përfshirjen, kontributin dhe mbështetjen për reformat dhe avancimin tonë drejt familjes europiane. Falenderojmë Shqipërinë për sjelljen europiane dhe të pjekur ndaj pakicës maqedonase-veriore në vendin tuaj. Vendet e Ballkanit Perëndimor nuk duhet të pranojnë asnjë alternativë tjetër, përveçse anëtarësimit në BE. Ne duhet të mbështesim njeri-tjetrin dhe kështu e shpejtojmë dhe lehtësojmë rrugën tonë drejt Bashkimit Europian” nënvizoi Presidenti Stevo Pendarovski. Vizitën në Shqipëri Pendarovski e nisi me një takim me kreun e shtetit, Ilir Meta.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça