POP 5

Lajmet më të lexuara të 5 minutave të fundit

Politikë

'Për Ramën jeta e një grua vlen vetëm për statistika', Vokshi për të infektuarit e fasonerisë në Tiranë: Qeveria arrogante dhe e papërgjeshme

Vokshi thotë se për Ramën jeta e një gruaje vlen sa për statistikat e propagandës. 

'Për Ramën jeta e një grua vlen vetëm për statistika', Vokshi për të infektuarit e fasonerisë në Tiranë: Qeveria arrogante dhe e papërgjeshme

Ish-deputetja e Partisë Demokratike, Albana Vokshi, ka akuzuar qeverinë për papërgjeshmëri dhe arrogancë lidhur me infektimin më COVID-19, të disa punonjësve të një fasonerie në Tiranë. Vokshi thotë se nevoja e skajshme e këtyre puntorëve për të shkuar në punë mund të infektojë qindra kolegë të tjerë. Sipas Vokshit Rama për tekat e tij të liga, nuk përfshin në pagën e luftës, gratë dhe vajzat e punësuara në bizneset fason, duke iu mohuar një të drejtë ekonomike të ligjshme të tyre në kohën e pandemisë

Në 'facebook' Vokshi shkruan: "Një tjetër vatër COVID-19, në një fasoneri në Tiranë.

Informacione shqetësuese vijnë për shpërthimin e një vatre të re infektuese në një fasoneri në Tiranë. Disa punonjëse kanë rezultuar pozitive me COVID19 duke rrezikuar infektimin e qindra kolegeve të tyre, të cilat në nevojë të skajshme për mbijetesë detyrohen të shkojnë në punë për të mos humbur pagën.

Papërgjegjshmëria dhe arroganca e Kryeministrit të gjithëpushtetshëm e ka lënë këtë sektor, të dominuar nga puna e krahut e grave dhe vajzave, në mëshirë të fatit.

Propaganda e të pamëshirshmit i ka bërë nënat dhe vajzat të rrezikojnë shëndetin, duke shkuar në fasoneri për të siguruar bukën e gojët për fëmijët dhe familjet e tyre.

Kryeministri për tekat e tij të liga, nuk përfshin në pagën e luftës, gratë dhe vajzat e punësuara në bizneset fason, duke iu mohuar një të drejtë ekonomike të ligjshme të tyre në kohën e pandemisë, sepse për të jeta e një gruaje vlen për të vetëm si një numër në statistikat e tij të propagandës së mashtrimit."

Kreministri Rama, mërzitet e shqetësohet vetëm për oligarkët me të cilët ndan para e pushtet, ndaj edhe në vend që t’I mbështesë, ju dërgon cdo ditë bizneseve fason, togat "e zeza" me të cilat ushron terror, a thua punëdhënësi më I madh në vend është armiku e jo aleati.

Si qytetare, por më së shumti si nënë, i bëj thirrje qeverisë të marrë masa urgjente për:

1- Testimin e të gjithë punonjësve të fasonerive me qëllim evidentimin dhe izolimin e vatrave të përhapjes së virusit;

2- Të ngrejë një grup pune për të parë nga afër situtën në të gjitha bizneset fasonë e t’i mbyllë për një afat të caktuar në kohë duke u konsultuar ngushtësisht me përfaqësuesit e këtij biznesi për të vendosur së bashku për protokollin e masave për këtë sektor;

3- Qeveria të mbështesë me pagë minimale të gjithë punonjësit e biznesit fason, jo si lëmoshë, por si e drejtë ekonomike, kushtetuese;

4- Qeveria të mbështesë me lehtësira fiskale e mbeshtetje financiare biznesin fason, një nga sektorët punëdhënës më të mëdhenj në Shqipëri;

5- Qeveria të marrë masa urgjente shëndetësore, sociale, ekonomike për të mbrojtur shëndetin e dhjetëra mijëra grave e vajzave që punojnë në këtë sektor.

Nëse një grua nuk gëzon shëndet të mirë, e gjithë familja është e pashëndetshme, e gjithë shoqëria është e pashëndetshme e në rrezik për jetën.

Ne.k./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 30/04/2020 18:05

    Ky quni Rustemit dhe Vokshi sharebajga shume te dashur me puntoret, vallahi u shkri kjo surratgerdalla duke menduar per fasonistet

    Përgjigju
  • GFUAJA ME FYTYR BURRI TË SHËMTUAR: 30/04/2020 11:25

    Kjo kryehajdutja numur 1 e partis shurr pd është më pisja e SHQIPRIS. Kjo gruaja me fytyr burri të shëmtuar një nga hajdutet më të mbdhaja që i jan bër bythët si skodat e vjetra të ENVER KRIMINEL HOXHËS vetëm gërthet kape hsjdutin kape e vet kryehajdute.

    Përgjigju
  • Hyp Xhixhi: 30/04/2020 11:16

    Misss Albana Vokshi je njish per lende te pare.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça