Për të dytën ditë, radhë kilometrike makinash në Kapshticë! Shkak për fluksin pala greke, detyrohet dhe rrit ritmin e punës, drejt normalizimit situata

Pika kufitare e Kapshticës është zgjuar edhe mëngjesin e kësaj të premte me radhë të gjata automjetesh të emigrantëve shqiptarë, të cilët nën “presionin” e temperaturave të larta presin me orë të tëra të kalojnë në tokën helene.

Kjo është dita e dytë radhazi që pala greke e nis punën me një sportel, megjithëse me kalimin e orëve, një gjë e tillë është rikuperuar dhe rimti i punës është shtuar.

Ndërkohë, sa i përket palës shqiptare, puna vijon me 6 sportele për të përballuar fluksin.

Një qytetar i lodhur nga pritja, është shprehur për mikrofonin e Report Tv se kjo situatë është normale.

“Kemi dy orë që presim. Nuk është normale, aspak normale, në vend të na ndihmojnë, po na e vështirësojnë punën.", u shpreh ai. 

Në pikën kufitare të Kapshticës deri më tani kanë hyrë hyrë 1851 dhe kanë dalë 3329 shtetas të huaj dhe shqiptarë.

Qafë-Thanë, kanë hyrë 4786 dhe kanë dalë 3513 shtetas të huaj dhe shqiptarë.

Edhe ditën e djeshme shkak për krijimin e radhëve kilometrike të makinave dhe pritjeve të gjata të emigrantëve ishte pala greke, e cila punonte me një sportel megjithëse tashmë situata është drejt normalizimit. 

Pika kufitare e Kapshticës, pas një kohe të gjatë për shkak të masave anti-COVID, është rihapur më 1 korrik.

J.GJ./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Beteja për FSHF-në, a duhet të vijojë Armand Duka të drejtojë futbollin në vend?



×

Lajmi i fundit

John

6 marsi, Korreshi për ‘Report Tv’: Nëse Basha dhe Berisha do kenë kandidatë të përbashkët, fitojmë 6 bashkitë! Me dy, e vështirë por jo e pamundur! Ja çfarë kërkon baza