Përçarje në PDK, Krasniqi:
Rexhepi ministër rrugaç
Jakup Krasniqi ka akuzuar ministrin e Brendshëm Bajram Rexhepi se po keqpërdor djemtë dhe vajzat në policinë e shtetit, duke iu referuar pranisë së një numri të madh punonjësish të policisë, që kishin rrethuar godinën e Kuvendit. Krasniqi nuk ka kursyer as fjalorin fyes ndaj Rexhepit.
Përplasje mes përfaqësuesve të PDK së Hashim Thaçit, Jakup Krasniqi, kryetar i Kuvendit të Kosovës dhe Bajram Rexhepit, ministër i Brendshëm.
Përplasja mes dy eksponentëve të lartë të kësaj partie ka nisur në sallën e Kuvendit, ndërsa diskutohej rezoluta për normalizimin e marrëdhënieve mes Kosovës dhe Serbisë.
Krasniqi ka akuzuar ministrin e Brendshëm se po keqpërdor djemtë dhe vajzat në policinë e shtetit, duke iu referuar pranisë së një numri të madh punonjësish të policisë, që kishin rrethuar godinën e Kuvendit.
Por ndërsa ministri Rexhepi ka dalë për të shpjeguar këtë gjë, Krasniqi i ka prerë fjalën: “Sot kryetari i parlamentit, Jakup Krasniqi, duke keqpërdorur në mënyrë flagrante pozicionin e tij...”, kaq kanë mundur të thotë Rexhepi, ndërsa më pas i është fikur mikrofoni nga kryesuesi i seancës.
Krasniqi nuk ka kursyer as fjalorin fyes ndaj Rexhepit. Ai iu drejtua grupit parlamentar të PDK-së duke theksuar se “nuk duhet të kishit zgjedhur një ministër rrugaç, i cili sot duhet të jepte dorëheqjen”.
Më tej Krasniqi iu drejtua Rexhepit duke i thënë se: “Nëse nuk sillesh mirë, ti nuk guxon të hysh në Kuvend. Ti mund të duash të bëhesh edhe Mbret i Kosovës, por shefi i Kuvendit jam unë.”
Pas kësaj situate, Ministri i Punëve të Brendshme, Bajram Rexhepi ka mbajtur një konferencë të jashtëzakonshme në godinën e Qeverisë.
Rexhepi tha se reagimet e kryeparlamentarit vijnë pas aleancave politike të Krasniqit me disa parti politik, duke aluduar për Lëvizjen Vetëvendosje.
“Kryetari i Kuvendit ma ka mohuar të drejtën për të reaguar ndaj kritikave që më i ka dhënë, duke keqpërdor foltoren e Kuvendit dhe duke akuzuar për diçka që nuk ka qenë fare e vërtetë”, ka thënë Rexhepi.
Thirrjes së Krasniqit për dorëheqje ministri Rexhepi i është përgjigjur duke theksuar se nuk ka ndërmend të ndërmarrë një vendim të tillë.
(jd/Shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
53.1%
-
Jo
33.2%
-
Nuk e di
13.7%
Vota total: 1785
Votat totale janë unike
Lajme të tjera
-
Tuneli i Llogarasë
29 Korrik, 08:09
-
A ka fuqinë ta shkatërrojë demokracinë një president amerikan?
29 Korrik, 08:08
-
Deputet, nga 'Hiçi'
29 Korrik, 08:07
-
Posti i komisionarit të Zgjerimit të BE-së bëhet sërish tërheqës
29 Korrik, 08:03
-
Ndryshimet në qeveri, pritet dekreti i Begajt! Rama mbledh grupin e PS, pasdite seancë e posaçme në Kuvend
29 Korrik, 07:32
-
A mund të shkaktojë luftë mes Izraelit dhe Hezbollahut sulmi që vrau 12 fëmijë?
29 Korrik, 07:29
-
Rikthehet i nxehti afrikan, sot temperatura deri në 40 gradë celsius
29 Korrik, 07:21
-
Një pikë kthese që mund të sjellë ndryshime në jetë...çfarë thonë yjet për ju sot
29 Korrik, 07:14
-
Mero Baze: Disa këshilla për folësen e shkëlqyer Helena Kaçi
28 Korrik, 22:55
-
Veliaj: Kongresi, përgatitje për fitoren e madhe të Edi Ramës dhe PS-së në 2025: Më e mira është përpara
28 Korrik, 22:49
-
Elbasan/ Burri plagosi me thikë ish gruan, arrestohet, 48 vjeçarja dërgohet në spital (EMRI)
28 Korrik, 22:45
-
Erdogan kërcënon Izraelin: Ashtu siç kemi hyrë në Karabak dhe Libi, do bëjmë të njëjtën gjë me ta
28 Korrik, 22:26