POP 5

Lajmet më të lexuara të 5 minutave të fundit

Kronikë

Përdhunuesi 45-vjeçar shqiptar dyshohet se është arratisur drejt Vlorës, ministri grek ndihmë Çuçit për arrestimin e tij

Mediat greke shkruajnë se ministri  grek Theodorikakos i ka kërkuar Çuçit  mobilizimin maksimal të organeve të sigurisë shqiptare për kapjen dhe arrestimin e 45-vjeçarit si dhe vazhdimin e bashkëpunimit të mirë të organeve të prokurorisë së dy vendeve.

Përdhunuesi 45-vjeçar shqiptar dyshohet se është arratisur drejt Vlorës, ministri grek ndihmë Çuçit për arrestimin e tij

Spartak Dyrmishi

GREQI- Ministri i Mbrojtjes i Greqisë, Takis Theodorikakos ka zhvilluar një bisedë telefonike me homologun e tij shqiptar, Bledi Çuçi gjatë së cilës i ka kërkuar ndihmë për të mundësuar gjetjen dhe arrestimin e 45-vjeçarit shqiptar Spartak Dyrmishi, i cili raportohet se është arratisur drejt Shqipërisë. Ai akuzohet në shtetin grek për përdhunimin e një 34-vjeçareje dhe tentativës për përdhunim të një vajze tjetër.

Mediat greke shkruajnë se ministri Theodorikakos i ka kërkuar Çuçit  mobilizimin maksimal të organeve të sigurisë shqiptare për kapjen dhe arrestimin e 45-vjeçarit si dhe vazhdimin e bashkëpunimit të mirë të organeve të prokurorisë së dy vendeve.

Autori 45-vjeçar shqiptar i përdhunimit të 34-vjeçares greke në Palaio Faliro u identifikua pas kontrollimit të pamjeve të kamerave të zonës dhe konfirmimit të ADN-së gjetur në makinën e gruas që sulmoi. Autoritet greke zbuluan po ashtu se ai është i divorcuar dhe babai i dy fëmijëve të mitur që jetojnë në Shqipëri me nënën e tyre, e cila punon si mësuese.Dyshohet se 45-vjeçari është arratisur drejt Shqipërisë të enjten duke kaluar nëpërmjet pikës kufijtare të Kakavijës,  sipas asaj që thuhet në mediat në Greqi.

Ai përshkruhet si një person i dhunshëm, i alkoolizuar, me sjellje problematike, i cili ka ushtruar dhunën dhe ndaj nënës së tij. Madje, njëra nga viktima e tij deklaroi se gjatë aktit të rëndë ai vinte era alkool.

Të dielën e kaluar, 45-vjeçari abuzoi seksualisht  me një 34-vjeçare greke nën kërcënimin e një thike. Në të njëjtën zonë, një tjetër vajzë 24-vjeçe u ankua se një person kishte tentuar ta përdhunonte, ku më pas u zbulua se ishte pikërisht 45-vjeçari shqiptar.Ngjarja bëri shumë bujë në vendin fqinj, pasi ndodhi në vazhdën e shumë përdhunimeve të kryera këto kohë në Greqi. Ndaj 45-vjeçarit shqiptar tashmë në arrati, janë ngritur akuza për dhunim të kryer dhe tentativë, dhunë, kanosje me armë dhe rrëmbim.

S.C/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça