Qeveria do të ngrejë një strategji kombëtare për gjuhën shqipe, të cilën në kushtet aktuale e konsideron më të rrezikuar se kurrë. Në përmbyllje të Kongresit 2 ditor Kombëtar për Arsimin, ministrja e Arsimit Evis Kushi, ngriti një sërë pyetjesh që pritet të marrin përgjigje në tryeza diskutimi me të gjithë aktorët.
Propozimi i parë që pritet të hidhet në diskutim është ai për të bërë provime sipas niveleve për gjuhën shqipe, siç ndodh aktualisht me gjuhët e huaja, dhe ky provim me nivele të jetë kriter për punësimin në administratën publike, ku evidentohen edhe problemet më të mëdha të gjuhës shqipe sidomos në dokumentet zyrtare.
Ministrja e Arsimit ngre nevojën që gjuha shqipe të përfshihet edhe në programet universitare në Bachelor, apo edhe në ato të mësuesisë.
Ndër të tjera, ministrja propozon që gjuha shqipe në gjimnaze të bëhet 3 orë në javë, nga 2 që është aktualisht dhe që në provimet e maturës gjuha shqipe të jetë në një test të veçantë e shkëputur nga letërsia.
Një hap më i shpejtë, sipas Kushit, mund të jetë një program trajnimi kombëtar për të gjithë mësuesit e profileve të ndryshme në lidhje me zhvillimin e kompetencës gjuhësore sipas grupmoshave të nxënësve. Si edhe zhvillimi i aktiviteteve, si konkurse për gjuhën shqipe për të folurën në publik në shkolla dhe universitete.
Pyetjet e ngritura nga ministrja Kushi ishin:
1- A duhen provime të veçanta në shkollën e mesme? Tashmë ne e kemi gjuhën shqipe si lëndë, dy orë në javë, por provimi i maturës është i përbashkët, gjuhë shqipe dhe letërsi. Mos ndoshta duhet ta kemi gjuhën shqipe provim të veçantë?
2-A duhet ta përfshijmë gjuhën shqipe në programet apo kurrikulat universitare?
3-A duhet në programin Bachelor, a duhet në programet e mësuesisë apo edhe në programet e tjera?
4-A ka ardhur koha të hartojmë një test provimi sipas nivelit gjuhësor për gjuhën shqipe? Siç janë provimet për gjuhën angleze, franceze, për të gjitha gjuhët. Sot për gjuhën shqipe nuk ka një provim të tillë.
5-Mos ndoshta ka ardhur koha që ky provim sipas niveleve të jetë ndoshta dhe si kriter për punësim në administratën publike.6-Mund të rishikojmë ndoshta edhe kurrikulën. A janë të mjaftueshme ato dy orë të gjuhës shqipe në shkollën e mesme apo duhet të shtohet edhe një orë tjetër.
Kongresi i Arsimit nisi punimet një ditë më parë, ndërsa kryeministri Edi Rama tha se gjuha shqipe është e rrezikuar. Rama tha se duhet të futet në çdo nivel arsimor mbrojtja me provim e gjuhës shqipe njësoj si anglishtja. Në ditën e parë të kongresit u diskutua për Ndërkombëtarizimin e Arsimit dhe Sfidat e të Ardhmes, Ndërkombëtarizimin e universiteteve dhe pjesëmarrjen në programet Horizon Europe dhe Erasmus Plus, Kërkimin Shkencor dhe Inovacionin, si dhe për Sigurimin e Cilësisë në Arsimin e Lartë, Digjitalizimi në Arsimin e Lartë, sfidë dhe mundësi për Institucionet e Arsimit të Lartë.
Komente
Lajme të tjera
-
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Rama largon zv/ministren e Arsimit Nina Guga e zëvendëson me Orjana Osmanin drejtoreshë në gjimnazin 'Petro Nini'
18 Dhjetor, 17:52 -
Përplasje të ashpra tek Komisioni i Edukimit, Kushi: Më jep fjalën, të të vijë turp! Zhupa: As kam vjedhur, as kam qenë ministre
16 Dhjetor, 20:55 -
PS ndez motorët në Kukës, Majko: Opozita e vjetër destabilizuese, e reja populiste! Kushi: Më shumë angazhim për votën e diasporës
14 Dhjetor, 21:10
-
Akuza dhe dyshime për manipulim zgjedhjesh në atletikë, protagonistët mbledhje në Ministrinë e Arsimit dhe Sportit
28 Nëntor, 16:05
-
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30
Nismë shumëme mirë, vetëm se duhet shumë kujdes se mos kthehen kto komisionet e provimit në taksambledhës e pastaj skemi bër asgjë…njerëzit për të punuar në administratë paguajn lekë, e sdo ndalen për ca lekë për të blerë provimin. Nuk dua të tingëlloj pesimist, por gjasa ka që të ndodh kështu.
PërgjigjuSa më shpejt të jetë e mundur të bëni kriter punësimi gjuhën shqipe aq më mirë. Edhe gjoba gazetave që shkruajnë me gabime gramatikore mundësisht.
Përgjigju