POP 5

Lajmet më të lexuara të 5 minutave të fundit

Politikë

Përgjimet e Vangjush Dakos, socialistët të ndarë për përgjegjësinë

Deputetët socialistë janë të ndarë në qëndrimet e tyre nëse është normale që Vangjush Dako bashkëpunon në fushatë me personat problematikë të fisit të Avdulajve. Të pyetur nga Report TV disa thonë se nuk ka asnjë problem për sa kohë nuk provohet blerja e votës, ndërsa të tjerë thonë se një bashkëpunim i tillë nuk duhet të ekzistojë.

Një ditë pasi media publikoi disa përgjime të kryebashkiakut të Durrësit Vangjush Dako duke folur me anëtarë të grupit kriminal të Avdulajve, socialistët nuk janë në një mendje sa i takon përgjegjësisë.

Të pyetur nëse është normale që një politikan të bashkëpunojë me grupe kriminale për shkak të votës, disa ligjvënës socialistë e shohin si normale të paktën në atë panoramë të komunikimeve sa është bërë publike. Arben Pëllumbi thotë se nuk ka përgjegjësi ndaj Dakos për sa kohë nuk provohet blerja e votës, por vetëm kërkimi i saj.

A është normale që një kryetar bashkie të bashkëpunojë më grupet kriminale për tu marrë votën?
-Cdo me thënë bashkëpunim?

Tu kërkosh votën, tu kërkosh mbështetje...
-Po a voton ai? A është votues? A është një qytetar që ka votuar dhe dje dhe pardje edhe para 10 vjetësh?

Pra ju s’bëni asnjë seleksionim paraprak?
-Vota është votë. Ti mund ta takosh. Është tjetër gjë të bësh kompromise, është tjetër gjë të kërkosh të shesësh votën, është tjetër gjë të bësh marrëveshje. T’i kërkosh si një njeri i thjeshtë që voton, nuk është asgjë e keqe, për ndryshe pse ai ka të drejtë vote? Mund të mos kishte të drejtë vote dhe nuk e kishim këtë problem.

Adnor Shahmeti thotë se vetë nuk e ka aplikuar komunikimin me elementë të tillë me precedentë.
“Jo nuk është normale, por po të provohet. Lërjani gjykatës dhe prokurorisë”.

-Ju vetë keni pasur komunikime të tilla?
-Jo, jo.

-Pra keni seleksionuar paraprakisht votuesit?
-Po, normalisht që po.

Qëndrim të njëjtë ndan edhe Klotilda Ferhati. "Asnjë zyrtar i lartë nuk duhet të bashkëpunojë me asnjë grup dhe të kryejë aktivitet të jashtëligjshëm". Alket Hyseni preferon të rrijë jashtë kësaj çështjeje. "Unë nuk kam ambicie për tu bërë kryetar bashkie, ndaj mos ma bëni më këtë pyetje". 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

25 Dhjetor, 17:03