POP 5

Lajmet më të lexuara të 5 minutave të fundit

Kronikë

Periudha e hetimeve për subjektet e OFL do zgjatet/ Juristët skeptikë për punën e saj: Solli përplasje mes SPAK e policisë

Teksa afati OFL perfundon me 31 dhjetor Ministria e Brendshme pritet të propozoj zgjatje të afatit vetem për hetimet e atyre që kanë plotësuar deri tani formularët e deklarimit të pasurisë. Por puna e OFL deri tani shihet me skepticizëm nga juristët. Avokati Elis Bilali, në një intervistë për Report TV thotë se OFL solli përplasje kompetencash mes SPAK e Policisë.

Operacioni Forca e Ligjit pritet të finalizohet në datën 31 dhjetor, të paktën që prej kësaj date e në vazhdim nuk do të ketë më formularë që do të shpërndahen për deklarim pasurie. Megjithatë, ekzekutivi ka në plan të bëj disa ndryshime të Aktit Normativ të OFL, tek i cili parashikon zgjatjen e afateve të hetimeve për të gjithë pasuritë që janë sekuestruar. Kur jemi drejt fundit, puna e OFL shihet nga juristët e panevojshme. Për avokatin Elis Bilali krijimi i OFL solli përplasje kompetencash mes SPAK dhe Policisë.

"Republika e Shqipërisë e ka patur të gjithë kuadrin ligjor, i ka patur strukturat e posaçme, i ka patur të gjitha institucionet, të cilat nënin verifikimin e të gjitha të ardhurave dhe pasurive të krijuara nga aktiviteti i paligjshëm. E kam vlerësuar si një përplasje kompetencash ndërmjet SPAK-ut tashmë si një prokurori e posaçme dhe ndërmjet policisë", thotë Bilali.

Në bazë të OFL-së, afati që i lihet në dispozicion SPAK-ut për të hetur pasurinë është gjashtë muaj. Bilali thotë se është kohë relativisht e shkurtër që brenda kësaj kohe të kryhet hetim i hollsishëm.

"Ishte e nevojshme që keto hetime të mos kryheshin për një periudhë afatshkurtër. Janë vetë natyra e këtyre hetimeve që kanë nevojë për një hetim të hollësishëm, të imtësishëm, i cili zgjat në kohë. Është i pamundur të bëhet verifikimi i burimi i krijimit të këtyre pasurive brenda një afati të shkurtër siç kishte përcktuar OFL-ja", shtoi ai.

Që prej fillimit, OFL ka dërguar 1500 pasuri në SPAK, ndërsa deri tani me vendim gjykate është vetëm një konfiskim. Ministria e Brenshme ndërkohë po bënë gati draftin për të shtyrë kohën e hetimit, jo më gjashtë muaj, port ë pacaktuar për hetime.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

PAMJET nga përmbytjet në Durrës, banorët angazhohen për tërheqjen e ujit nga banesat

PAMJET nga përmbytjet në Durrës, banorët angazhohen për tërheqjen e ujit nga banesat

30 Janar, 09:26