Dje zhvillova një sondazh privat elektronik me votues të thjeshtë të PD-së. Duke qenë një sondazh privat, nuk mund t’i raportoj rezultatet e tij. Por pa zbuluar detaje, mund të them në përgjithësi se përkrahësit e Bashës janë më pragmatistë dhe ata të Berishës janë më pasionantë.
Të parët i shohin më të mëdha gjasat e ardhjes së PD-së në pushtet me Bashën në krye. Ndërsa të dytët, edhe pse i shohin më të vogla gjasat e ardhjes në pushtet me Berishën në krye (apo me një të besuar të tij), e përkrahin atë me pasion.
Vatja e ambasadores Kim tek selia e PD-së (fill pas kthimit nga Uashingtoni), dhe sidomos mesazhi i saj i qartë publik se Uashingtoni do ta përkrahë hapur rikthimin në pushtet të PD-së së udhëhequr prej Bashës, duket se ka ndikuar që Basha ta konsolidojë përkrahjen në pjesën pragmatiste të elektoratit demokrat – atë që thjesht do rikthimin e PD-së në pushtet, e jo rehabilitimin e Berishës në Uashington…
Nga ana tjetër, shumica dërrmuese e përkrahësve të Berishës janë të gatshëm t’i qendrojnë atij besnikë, pavarësiht se ç’mund të bëjë SPAK-u apo se sa e gjatë mund të jetë beteja e Berishës me Departamentin e Shtetit. Siç duket ata besojnë tek shpresa që u ka ngjallur Berisha, se pas katër vjetësh, Republikanët do ta kenë fituar Shtëpinë e Bardhë dhe një Sekretar Shteti republikan do ta shfuqizojë vendimin e Sekretarit aktual për shpalljen e tij persona non grata…
Këtu duket qartë se kemi një përballje mes votuesve racionalë (që bëjnë llogari elektorale në mendjen e tyre) dhe atyre emocionlë (që janë të lidhur shpirtërisht me Berishën dhe e përkrahin atë në të mirë e në të keq). Në këto kushte, nuk mund të pritet që Basha të zhvillojë Foltore si të Berishës, me pjesëmarrës entuziastë. Ndërsa ky i fundit do t’i vazhdojë Foltoret e tij të zjarrta.
Sidoqoftë, në fund të ditës, nuk janë foltoret ato që përcaktojnë se kur mblidhet Kuvendi i PD-së apo se çfarë vendimesh merr ai. Raporti i forcave brenda anëtarëve të Kuvendit është vendimtar për betejën Basha-Berisha. Në qoftë se atje mbizotërojnë racionalët, fiton Basha. Në qoftë se mbizotërojnë emocionalët, fiton Berisha.
Dhe pyetja e madhe është, çfarë do të bëjnë eventualisht përkrahësist emocionalë të Berishës, nëse ai nuk arrin ta shkarkojë Bashën. A janë ata aq shumë të lidhur emecionalisht me Berishën, sa të mos votojnë fare nesër për një PD të udhëhequr nga Basha? Aktualisht kështu duket, por pas katër vjetësh nuk i dihet…
Nga ana tjetër, në qoftë se Berisha ia del ta shkarkojë Bashën, është mëse e qartë sesi do të jetë PD-ja paskëtaj. Një pjesë e elektoratit racional demokrat mund të ftohet me PD-në e Berishës, në qoftë se i sheh të vogla gjasat për fitoren e saj. Me pak fjalë, ajo do të ishte një parti pasionante, më e vogël, dhe e izoluar ndërkombtarisht (të paktën deri sa në Shtëpinë e Bardhë të mos ketë ardhur një Republikan)…
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
