Sot këtu kullosin lopët, ndërsa godinat po degradojnë dita-ditës.
Është burgu famëkeq i Spaçit mes malesh në Mirditë, aty u torturuan më mënyrë çnjerëzore të burgosurit politik të regjimit komunist. Shumë prej tyre u pushkatuan, siç ishin Pal Zefi, Skënder Daja, Dervish Bejko dhe Hajri Pashaj, të cilët organizuan revoltën më të madhe në kohën e diktaturës.
Më 21 Maj të vitit 1973 të dënuarit morën për disa orë në zotërim kampin, brohorisnin kundër diktaturës komuniste, arritën të ngrenë flamurin shqiptarin kuq e zi pa yllin komunist.
Sot kanë kaluar 47 vite nga revolta e Spaçit. Ish-të burgosurit politik dhe familjet e përndjekura morën pjesë në një ceremoni modeste organizuar në përkujtim të kësaj ngjarje. Pjesëmarrje ishte e vogël për shkak të situatës së krijuar nga pandemia.
Përfaqësuesit e Forumit për Mbrojtjen e Trashëgimisë Kulturore shprehen se këtu duhet të ngrihet një muze për të mos harruar shtypjen e shqiptarëve në diktaturë.
"Unë sot mendoja se do të gjeja muze këtu, por gjej rrënoja. Duam që ky vend të kthehet në muze sepse duhet të kujtohet", shprehet Pal Trashaj.
Ndërsa kreu i shoqatës së ish-të përndjekurve politik, Nebil Çika e lidhi të kaluarën me të sotmen dhe apelon për rezistencë qytetare.
"Sot kemi një parlament që drejtohet nga ish-ministri i Brendshëm komunist Gramoz Ruçi, autori i krimeve kundër njerëzimit dhe genocid. Kemi në krye të drejtësisë pas të ashtuquajturës reforme, hetues, prokurorë dhe gjyqtarë që kanë dënuar njerëzit tanë. Sfida që na bëjnë komunistët është e hapur e vetmja rrugë është të rezistojmë", shprehet Nebil Çika, kryetar i Shoqatës së Ish të Përndjekurve Politik.
Burgu-kamp i Spaçit u ngrit në 1968 dhe funksionoi deri në 1991. Aty të burgosurit politik shfrytëzoheshin për nxjerrjen e mineralit. Shumë prej atyre që humbën jetën nuk kanë ende një varr.
Burgu i Spaçit
Lajme të tjera
-
Muzeu Etnografik i Elbasanit mbyllet për 6 muaj! Do i nënshtrohet restaurimit të plotë
23 Tetor, 17:32
-
Turizmi kulturor, 12 500 vizitorë për 9 muaj në muzeun historik dhe etnografik të Vlorës. Drejtori: 48 për qind më shumë se vjet
16 Tetor, 15:37
-
51 vjetori i revoltës së Spaçit, Basha: Drodhi themelet e regjimit! Ishin të vetmit njerëz të lirë në një Shqipëri të robëruar
21 Maj, 11:31 -
Dritë mbi Spaç, Autoriteti i Dosjeve vjen me botime për të rritur dhe fëmijë
21 Maj, 08:57 -
Ish-kamp burgu i Spaçit, debati në prezantimin e Planit të Menaxhimit: Pse Muzeu në autostradë?! Hartuesit: Kështu ndodh edhe jashtë shtetit!
2 Maj, 16:49
-
'Projektova burgun e Spaçit', arkitekti i revoltuar në prezantim të planit te Menaxhimit: Shfrytëzoni Arkivat
2 Maj, 12:42 -
Art me historitë e ish të burgosurve në Spaç, hapet ekspozita me skulptura dhe kukulla artizane!
14 Prill, 18:01
-
Edison Ypi: Hasie dhe Spaç
22 Mars, 15:21
-
Dosja K/ ‘Vetëvrasja si shpëtim nga torturat e tmerrshme të hetuesisë’, dorëshkrimet e Ernesto Krajës! U burgos nga regjimi
9 Janar, 21:56
-
Ngjarje dhe personazhe të panjohur të burgut të Spaçit: Ahmet Hoxha, pasi kishte vuajtur 20 vite, duke u arratisur dy herë, të tretën bashkë me Sali Çakon arriti deri në kufi, por…
8 Dhjetor 2023, 07:36
-
Plan Menaxhimi për ish-kamp-burgun e Spaçit, nis në 2024-ën. Ndreca: Aty vuajti elita, të punohet me ritme më të shpejta
13 Nëntor 2023, 22:31 -
Djegia e Muzeut të Vjetër të Muzikës në Gjakovë, Policia identifikon 3 të miturit, dyshohet se i vunë flakën
1 Shtator 2023, 17:14
