Përmbyten dhjetëra hektarë tokë bujqësore pranë mbikalimit te Patokut dhe në Fushë-Gjormë

Moti i keq dhe reshjet e dendura të shiut kanë krijuar probleme edhe në Kurbin. Kanalet kulluese kanë dalë nga shtrati, duke përmbytur dhjetëra hektarë tokë bujqësore.Situata më problematike paraqitet pranë mbikalimit të Patokut dhe në Fushë-Gjormë, ku sipërfaqe të mëdha të mbjella ndodhen nën ujë, duke shkaktuar dëme të shumta.

Banoret thonë se kjo është një situatë e përsëritur sa herë kë reshje të dendura shiu, për shkak të mos hapjes së kanaleve kulluese.

“Gruri është duke u dëmtuar. Në shumë shtëpi ka rrezik të hyjë uji brenda. Ka shumë gjasë. Asnjë masë nuk merret nga Bashkia dhe Qeveria. Zoti të na ketë në dorë se për ta Kurbini ka mbaruar. Gjendja e jashtëzakonshme është për fajin e shtetit. Kanalet aty nuk janë hapur kurrë,  hidrovoret nuk punojnë. Ku është Edi Rama apo qeveria? Dëmtimet i kemi shumë të rënda.”- tha një banor.

LEXO EDHE:
Lezhë, myslimanë e katolikë bashkë në festën e 'Shën Markut'

“Emergjenca civile nuk ka vënë dorë në asgjë, as në pastrimin e kanaleve... Nuk ka vënë dorë në asgjë.”- tha një tjetër banor.

Gjatë orëve të drekës të së enjtes intensiteti i reshjeve të shiut ka rënë në të gjithë territorin e Qarkut të Lezhës dhe kjo pritet të ndikojë në përmirësimin e situatës së përmbytjeve.

Lajmi kryesor:

Lezha nën pushtetin e ujit, përmbyten disa shtëpi! Mbi 1000 ha tokë e përmbytur në Shkodër! Pas 12 orësh ankorohet trageti Vlorë-Brindisi! Pezullohet mësimi në 56 shkolla

G.MO/r.k./Shqiptarja.com

TAG:
• Kurbin
• Lezhe