Përmbytjet katastrofale, Ambasada Gjermane në Tiranë: Faleminderit shqiptarëve për mbështetjen, fatkeqësi të tilla na kujtojnë që duhet të mbrojmë natyrën

Ambasada Gjermane në Tiranë ka falenderuar të gjithë qytetarët që i kanë dërguar mesazhe solidariteti në lidhje me përmbytjet që kanë përfshirë Gjermaninë ditët e fundit. Përmes një postimi në 'Facebook', ambasada Gjermane shkruan se fatkeqësi të tilla na kujtojnë se mbrojtja intensive e klimës dhe natyrës është shumë e rëndësishme nëse duam të parandalojmë ngjarje të tilla.

"Shkatërrimi i shkaktuar nga katastrofa e përmbytjes në Gjermani na tronditi të gjithëve. Ambasadori Zingraf dhe i gjithë stafi i ambasadës dëshiron të falënderojë për mesazhet e shumta të ngushëllimit dhe solidaritetit që na kanë mbërritur nga të gjitha anët këtu në Shqipëri, nga institucionet dhe qytetarët/et!

Kohët e fundit në 2002, 2005 dhe 2013 ka pasur përmbytje me shkatërrime të rënda si dhe viktima në Gjermani dhe vendet fqinje. Por numri i viktimave në katastrofën aktuale ishte shumë herë më i lartë. Rindërtimi do të zgjasë me vite dhe humbjet e jetëve të njerëzve janë të parikuperueshme. Fatkeqësia na kujton ne në Gjermani dhe në gjithë Evropën se mbrojtja intensive e klimës dhe peizazhit natyror është urgjente nëse duam të parandalojmë ngjarje të tilla vdekjeprurëse ose të paktën t'i zbusim ato.

LEXO EDHE:
Panairi i Teknologjisë në Hanover, Veliaj: Interes i jashtëzakonshëm për zonën e lirë ekonomike

Falenderojmë miqtë shqiptarë për shenjën e tyre të solidaritetit", shkruan ambasade gjermane në Tiranë.

Lajmi kryesor:

Përmbytjet në Europën Perëndimore, shkon pothuajse në 200 numri i viktimave! Ambasada Gjermane në Tiranë: Faleminderit shqiptarëve për mbështetjen

SI.E./Shqiptarja.com

TAG:
• permbytje
• gjermani
• belgjike
• hollande
• austri