FIER-Fermerët e fshatit Hoxharë, sërish të frikësuar nga mundësia e përmbytjes. Në një lidhje live me Report Tv, fermerët janë shprehur se ende nuk kanë marrë paratë për dëmshpërblimet e vitit 2017, ndërkohë që s’janë marrë masa për parandalimin e përmbytjeve. Gazetari i Report Tv në Fier, Kristaq Thano, ka thënë se është interesuar pranë drejtorit të emergjencave në Bashki, dhe se dosjet përkatëse janë dërguar në Tiranë. Pritet një përgjigje për të marrë vesh se kur do të merren dëmshpërblimet dhe sesi do të veprohet me pagesat për fermerët dhe banorët. Ndërkohë që njëri prej tyre është shprehur se vlerësimi i dëmeve është bërë në mënyrë selektive.
Zona e Hoxharës u përmbyt komplet. Qeveria ka vlerësuar disa dëme, disa familje, por nuk ka dhënë lekë. Nuk është vendosur se çfarë pagese do të jepet. Ne kishim dëme material brenda në shtëpi, dollapet, buffet. Na kanë thënë prisni se do shohim.
Banor i Hoxharës
Për përmbytjet e 2017-ës, rrdhi një komision, por jo për tokat, erdhi për shtëpi e kasolle lopësh. Na dhanë procesverbal, por ne s’morëm asgjë. Nga frika nuk punojmë dot tokën, faktikisht ne jemi të mbytur. Ne jemi ankuar, na kanë thënë do bëjmë urën, jo do marrim masa, por nuk do njeri që t’ja dijë. Do marrim masa thanë, por nuk po gënjejmë, se s’kemi punuar asnjë metër tokë.
Fermer i Hoxharës
Këtu u përmbyt gjithë zona. Komisioni u dërgua me mik, ca të nënës ca të njerkës. Siç ndodhi më para, flitet se do marrim lekë, por s’dihet. Këtu janë 360 familje, të gjithë u përmbytën, se kanë të gjithë toka. Kanë mbetur vetëm 80 familje. Do ikin, do arratisen se për të mbjellë jo, për të punuar jo. Ky është hall i madh që na ka zënë.
Fermer i Hoxharës
Në dhjetor të 2017-ës, e gjithë zona e Hoxharës, Darzezë dhe Povelshit u mbulua nga uji. Dëmet materiale ishin të konsiderueshme për këto familje, ndërkohë që qeveria shqiptare premtoi dëmshpërblim për këta banorë. Ndërkohë, vjeshta sapo ka ardhur dhe dimri është rrugës, ankesa e fermerëve për një tjetër përmbytje, ngre alarmin për një përsëritje të mundshme të situatës në këto zona.
Lajme të tjera
-
S’ka vend për varre, Bashkia Durrës privatizon tokën pa dëmshpërblim! Përgjigja për Report Tv: Asnjë pronar nuk u interesua
19 Tetor 2021, 16:46
-
E kishte gati për ta shitur, kapet me 10 kg kanabis 20-vjeçari në Fier! Shpallet në kërkim një tjetër
16 Tetor 2021, 13:16 -
Pësuan dëmtime në banesa nga zjarri ose përmbytjet, Bashkia Tiranë miraton dëmshpërblimin për 24 familje
4 Korrik 2021, 11:51 -
Përmbytjet, fermerët e Lezhës kërkojnë dëmshpërblim
13 Mars 2021, 22:42 -
Lista me 107 emrat që kanë fituar dëmshpërblimet nga tërmeti në Tiranë
2 Mars 2021, 20:21 -
U ekzekutua në hyrje të pallatit, familjarët e Artan Cukut i kërkojnë shtetit dëmshpërblim 1 milion euro
5 Shkurt 2021, 11:51 -
Apeli i Voltana Ademit, Kryetares së Bashkisë së Shkodrës për qeverinë: Të dëmshpërblehen banorët e përmbytur
15 Janar 2021, 15:02 -
Dëmshpërblim për vdekjet në aksidente të transportit publik/ Projektligji: Pasagjerët të siguruar me tre fasha (DRAFTI)
26 Qershor 2020, 18:23
-
1 vit nga tërmeti në Floq ende pa dëmshpërblime! Banorët: Na bënë shumë premtime, s’kemi marrë asnjë lekë
2 Qershor 2020, 21:44 -
Ndryshon vendimi qeverisë, dëmshpërblimi për tërmetin caktohet nga bashkitë! Zhdëmtimi, nga 100-500 mijë lekë
12 Prill 2020, 16:00
