Përmirësimi i teknologjisë së Facebook, Zuckerberg përmend edhe Maqedoninë

Nëpërmjet një postimi në facebook themeluesi i tij Mark Zuckerberg flet për risitë e reja teknologjike që facebook po zhvillon për të mos lejuar hapjen e llogarive të rreme dhe ndikimin e tyre tek popullsitë e shteteve. 

Zuckerberg merr si shembull rastin e disa shteteve në të cilat disa agjenci ruse janë përpjekur të manipulojnë zgjedhjet, rasti më i fundit ishte ai i SHBA-së, apo dhe të ndikojnë në vendimmarrjen e vendimeve politike të popullsisë duke i keqinformuar ato.

Postimi i plotë i Zuckerberg:

“Sot ne po marrim një hap të rëndësishëm për të mbrojtur integritetin e zgjedhjeve në mbarë botën duke hequr më shumë se 270 faqe dhe llogari të operuara nga një organizatë ruse e quajtur Agjencia e Kërkimit në Internet (IRA). Shumica e veprimeve tona kundër IRA deri më sot kanë qenë për të parandaluar ata nga ndërhyrja në zgjedhjet e jashtme.

Ky përditësim ka të bëjë me marrjen e faqeve të tyre që synojnë njerëzit që jetojnë në Rusi. Kjo agjensi ruse ka vepruar në mënyrë të përsëritur duke mashtruar dhë është përpjekur të manipulojë njerëzit në SHBA, Evropë dhe Rusi - dhe ne nuk duam që nëpërmjet Facebook ta arrijë këtë gjë.
Ja disa nga përpjekjet tona për të mbrojtur integritetin e zgjedhjeve:

Pas vitit 2016, zbuluam që IRA-ja ruse kishte ngritur një rrjet për të ndërhyrë në zgjedhjet presidenciale të SHBA. Ne filluam të hetonim aktivitetin e tyre në nivel global dhe të merrnim faqet dhe llogaritë e tyre.

Që atëherë, ne kemi përmirësuar teknikat tona për të parandaluar që të ndërhyet në zgjedhjet e shteteve dhe ne kemi ndërtuar mjete më të avancuara të AI për të hequr llogaritë e rreme në përgjithësi. Ka pasur një numër zgjedhjesh të rëndësishme që atëherë kur këto mjete të reja janë vendosur me sukses. Për shembull:

Në Francë, duke çuar deri në zgjedhjet presidenciale në vitin 2017, gjetëm dhe morëm 30.000 llogari të rreme.
Në Gjermani, përpara zgjedhjeve të vitit 2017, ne kemi punuar drejtpërdrejt me komisionin zgjedhor për të mësuar prej tyre për kërcënimet që panë dhe për të ndarë informacionin.

Ne vendosëm mjete të reja të AI që në mënyrë proaktive zbuluan dhe hoqëm llogaritë e rreme nga Maqedonia duke u përpjekur të përhapnin keqinformimin.
Ne gjithashtu kemi rritur ndjeshëm investimin tonë në siguri. Ne tani kemi rreth 15,000 njerëz që punojnë në shqyrtimin e sigurisë dhe përmbajtjes. Ne do të kemi më shumë se 20,000 deri në fund të këtij viti.

Këto përpjekje e kanë bërë të vështirë për shtetet kombe që të ndërhyjnë në zgjedhjet e jashtme. Me përditësimin e sotëm, tani kemi identifikuar një rrjet të madh që IRA po përdor për të manipuluar njerëzit në vetë Rusinë. Ky është hapi tjetër drejt heqjes së tyre nga Facebook në tërësi.
Ne kemi gjetur se IRA ka përdorur rrjete komplekse me llogari të rreme për të mashtruar njerëzit. Ndërsa i respektojmë njerëzit dhe qeveritë që ndajnë pikëpamjet politike në Facebook, nuk u lejojmë atyre të krijojnë llogari të rreme për ta bërë këtë. Kur një organizatë e bën këtë në mënyrë të përsëritur, i heqim të gjitha faqet e tyre. 

Ky grup i veçantë i faqeve dhe llogarive është përdorur për të synuar njerëzit në Rusi dhe njerëzit që flasin rusisht në vendet fqinje si Azerbajxhani, Uzbekistani dhe Ukraina. Në këtë rast, disa nga faqet që i kemi hequr i përkasin organizatave të lajmeve ruse që kemi përcaktuar ishin të kontrolluara nga IRA. Rreth një milion njerëz ndiqnin të paktën një nga faqet e tyre në Facebook dhe rreth 500,000 ndiqnin të paktën një nga llogaritë e tyre të Instagram. 
Siguria nuk është një problem i zgjidhur plotësisht. Organizata si IRA janë armiq të sofistikuar të cilët vazhdimisht evoluojnë, por ne do të vazhdojmë të përmirësojmë teknikat tona për të qëndruar përpara - veçanërisht kur bëhet fjalë për mbrojtjen e integritetit të zgjedhjeve”.

TAG:
• facebook
• Mark Zuckerberg
• risi teknologjike