Përmirësohet situata epidemiologjike në Kosovë/ 181 raste dhe 8 viktima janë shënuar gjatë 24 orëve të fundit

Foto ilustruese

KOSOVA- Në Kosovë situata epidemiologjike është përmirësuar, pasi gjatë 24 orët e fundit kanë rezultuar pozitiv me COVID-19 181 persona dhe kanë humbur jetën 8.

Numri i rasteve pozitive me koronavirus kanë pësuar një ulje në raport me ditën e djeshme pasi janë shënuar 215, ndërkohë që numri i viktimave është dyfishuar pasi dje ishin 4.

Numri i pacientëve të shëruar gjatë 24 orët e fundit ka qenë shumë më i lartë se ai i infektimeve në vend, plotë 407.

Sipas ISHK-së rastet pozitive janë nga komunat: Prishtinë 78 raste, Podujevë 21 raste, Mitrovicë 17 raste, Pejë 8 raste, Gjakovë 7 raste, Gjilan 7 raste, Fushë-Kosovë 6 raste, Drenas 5 raste, Ferizaj 5 raste, Prizren 5 raste, Vushtrri 4 raste, Deçan 3 raste, Malishevë 3 raste, Istog 2 raste, Kamenicë 2 raste, Obiliq 2 raste, Skenderaj 2 raste dhe me nga një rast komunat Kaçanik, Klinë, Lipjan dhe Shtime.

Numri total i infektimeve në Kosovë ka arritur 50.801, ndërkohë që numri i personave që kanë humbur jetën si pasojë e COVID-19 është 1.317 që nga fillimi i pandemisë, duke përfshirë edhe përditësimet e ditës së sotme.

Qeveria kosovare në kuadër të festave të fundvitit të cilat rrisin rrezikun e infektimeve ka ndërmarrë masa të reja anti-COVID, me qëllim shmangien e një vale të tretë të COVID-19. Ndërkohë që vaksinat për koronavirusin pritet te vijnë në pranverë të 2021.

Sipas një deklarate të kryeministrit te vendit Avdullah Hoti, Kosova është një ndër 3-4 shtetet të cilat po përballen më mirë me pandeminë, kjo sipas universitetit “John Hopkins”.

J.GJ./Shqiptarja.com
  • Sondazhi i ditës:

    Përplasja me SHBA-të, sipas jush a duhet ta përjashtojë Basha nga grupi i PD-së Sali Berishën?

Komento


×

Lajmi i fundit

John

Ylli i futbollit, Michael Ballack humb tragjikisht të birin në moshën 18-vjeçare