POP 5

Lajmet më të lexuara të 5 minutave të fundit

Politikë

Lajme nga emisionet

Përplasja Berisha-Basha, Enno Bozdo: Uroj që viktimë mos të bëhet PD! I vetmi shans i partisë, që asnjëri prej tyre mos ta drejtojë, duhet një opozitë e re që i tejkalon të dy

Në emisionin '5 Pyetjet nga Babaramo', anëtari i Këshillit Kombëtar të PD-së, Enno Bozdo u shpreh se 'lufta' mes Bashës dhe Berishës nuk ndihmon partinë, duke uruar që viktimë mos të bjerë pikërisht kjo e fundit. Ai theksoi nevojën për një opozitë të re, me fytyra të reja.

'I vetmi shans që ka PD është që të mos drejtohet as nga Berisha e as nga Basha', kështu u shpreh anëtari i Këshillit Kombëtar të PD-së, Enno Bozdo, në një kohë kur të dy ata janë futur në një 'lufte', njëri për të ruajtur postin e tij në parti dhe tjetri për të rimarrë atë që para disa vitesh ia besoi dikujt që sot e 'tradhtoi'.

Në emisionin '5 Pyetjet nga Babaramo', Bozdo u shpreh se 'lufta' mes Bashës dhe Berishës nuk ndihmon partinë, duke uruar që viktimë mos të bjerë pikërisht kjo e fundit. Ai theksoi nevojën për një opozitë të re, me fytyra të reja.

"Opozita  e vërtetë është një opozitë që tejkalon dhe Bashën dhe Berishën, unë të shoh për një fazë tjetër ku Basha dhe Berisha nuk janë më drejtues të opozitës dhe ky është i vetmi shans që ka PD për të arritur në fitore. Menaxhimi i partisë është bërë shumë i keq. Lufta mes Bashës dhe Berishës nuk e çon PD në fitore. Ne duhet ta kalojmë këtë fazë dhe kjo do të thotë një opozitë e re me të tjera fytyra. Uroj që viktimë e kësaj përplasje mos të bëhet PD", u shpreh Bozdo.

Teksa komentoi vendimin e Bashës për largimin e Berishës nga grupi parlamentar i PD-së, Bozdo tha se vendimi është i duhuri, por mënyra sesi u mor ishte e pandershme dhe e papranueshme.

Bozdo tehksoi se Basha mori një vendim personal në një kohë kur duhej të ishte konsultuar me strukturat e partisë. 'Sqarimin' e Bashës se vendimin e mori për të marrë përgjegjësitë të gjitha vetë, Bozdo tha se kalon edhe 'mendjemadhësinë' dhe se kreu i PD ka bërë një gabim të thellë në këtë çështje.

"Sa më shumë të zgjasë aq më i madh është dëmi për PD. PD duhej të ishte përqendrua te aksioni opozitar, e gjithë vëmendja përqendrohet në problemet tona të brendshme, shumë të thella duhet thënë. Unë kam qenë nga ata që kam kërkuar që Berisha të bënte hapin i pari, të distancohej për të mos krijuar kosto, po ai zgjodhi rrugë tjetër dhe në kushte të tjera, vendimi i Bashës do të ishte i duhuri, por në një situatë të tillë, procesi me të cilin ky vendim u mor është i pandershëm dhe i papranueshëm. Është ndër vendimmarrjet më të forta në 30 vite, është një proces politik dhe do të duhet të konsultoheshin me radhë, Kryesia, kuvendi. Duhej të ishin anëtarët e PD që të merrnin këtë vendim, asnjë hallkë e konsultimit politik nuk u morë parasysh dhe jemi në grackën e vendimeve të minutave të fundit. Unë nuk jam kurrsesi dakord. Në fund të ditës kjo nuk është parti e Lulzim Bashës, por e demokratëve, secili nga ne ka aksionet e tij aty. Tejkalon edhe mendjemadhësinë të thuash që unë marr këtë vendim për t'ju shpëtuar ju, ka bërë gabim të thellë në këtë çështje", u shpreh Bozdo.

Lulzim Basha njoftoi vendimin për largimin e Berishës nga Grupi Parlamentar i PD ditën e enjte, një ditë para mbajtjes së parë plenare të legjislaturës së X. Vendim ky që duket se kapi papritur Berishën, i cili nuk kurseu akuzat.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Katarakti: 14/09/2021 10:00

    Po jane te gjithe hajdute, te gjithe, pa perjashtim!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzoi të vegjlit për Kodin Zgjedhor, Haklaj: U çimentua marrëveshja Berisha-Rama dhe u rrëzua reforma në drejtësi

Kushtetuesja rrëzoi të vegjlit për Kodin Zgjedhor, Haklaj: U çimentua marrëveshja Berisha-Rama dhe u rrëzua reforma në drejtësi

25 Dhjetor, 18:00