Tirana dhe Laçi luajnë nesër në 15:00 për javën e shtatë të Superligës. Në "Selman Stërmasi" bardheblutë rikthehen pas fitores në derbin me Partizanin, me përqëndrimin që do duhet të shkojë te kurbinasit. Para ndeshjes ka folur për mediat edhe trajneri Orges Shehi i bardhebluve. Durrsaku kërkon që vëmendja të jetë për Laçin, paçka se kurbinasit i kanë bërë nisje të keqe sezonit, duke qenë në vendin e fundit.
"Laçi i fundit në renditje – Kundërshtari ka lojtarë cilësor. Në vitet e fundit është faktor në futbollin shqiptar. Kundërshtar që ka koeficientin më të lartë nga të gjitha klubet shqiptare në Europë. Do ta hiqja këtë vendi i fundit. Mendoj që është një skuadër që meriton vëmendje personale sepse është realisht një skuadër e fortë.
Eufori nga derbi – Derbi ka intensitet shumë të madh dhe janë shumë pak ditë në dispozicion për të rikuperuar energjitë dhe emocionet. Këto ditë fokusi ka qenë te vlerësimi. Duke mbajtur mendjen në derbi dhe të humbin përqendrimin nga ndeshja e nesërme nuk është diçka e mirë.
Mungesat – Filipi (Najdovski) na mungon për arsye dëmtimi dhe nuk do të luajë as për 2-3 javë të tjera. Kurse Lulaj doli me karton. Janë mungesa që na vështirësojnë disi por ka dhe lojtarë të tjerë aty që të mendojmë se kë do të hedhim në fushë. Organika në aspektin defensivë nuk na mungon. Kështu duhet të bëjmë zgjedhjen e përshtatshme.
Detyrim fitorja? Unë mendoj se rezultatet nuk i përkojnë asaj skuadre që është. Unë mendoj se ka një skuadër të mirë. ndoshta edhe për arsye dëmtimesh nuk janë 100% të plotë. Por është skuadër që ka elemente brenda. Ne duhet të jemi të përqendruar maksimalisht për të bërë maksimumin, duke menduar që përpara nuk kemi një skuadër që duket në renditje, por një skuadër që sa ka bërë këto vite.
Sa herë e keni parë derbin? Të jem i sinqertë, asnjëherë të plotë. Ndeshja është shumë shpejtë edhe nuk ke kohë të merresh me fitoren. Përqendrimi shkon te Laçi. Të jem i sinqertë nuk e kam parë asnjëherë të plotë.
Objektivi pas derbit? Unë nuk mendoj se ishim në pozita të këqija. Para fitores me Partizanin kishim bërë një fitore me Teutën. Nuk ishim në pozita të këqija, kështu që derbi është shumë i ndjeshëm, te tifozeria, te i gjithë ambienti, te lojtarët. Shpresoj që kjo të na japi një frymë pozitive, duke pasur parasysh që kemi një kontingjent të ri lojtarësh, që dhe ata e ndjejnë për herë të parë një derbi. E ku ka më mirë se sa ta fitosh derbin e parë, duke parë dhe të gjithë optimizmin që na rrethon. Na ngel për detyrë ta harrojmë sa më shpejtë dhe të përqendrohemi te tjetra.
Qefalija – Qefalija është një lojtar që ka shumë të ardhme. Unë personalisht kam shumë besim te ai. E kam futur në ndeshje të Europës në formacion. Sigurisht pas asaj goditje të fortë duhet të rrijë dhe disa kohë pushim. Mjekët kanë atë protokollin e vet, që pas një frakture duhet t’i plotësojë ditët e plota, më pas të afrohet me grupin. E rëndësishme është që është mirë, që përmirësohet çdo ditë. Më pas ta afrojmë në gjirin tonë", tha Shehi.
Lajme të tjera
-
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Kurbin/ Kishin përshatur ambiente për konsumim, shitje drogash dhe lojëra fati, 3 të arrestuar! Mes tyre pronari dhe prindërit e tij
20 Dhjetor, 12:58 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Iliri, 'Daja' i Superligës! Dinamo në krye pas 15 vitesh
16 Dhjetor, 19:05 -
Mbyllet gjysma e sezonit/ Skënderbeu lë 2 pikë me Bylisin, Gjoka: Keqardhje e madhe! Pas 175 javësh çdo ndeshje me 3 gola
16 Dhjetor, 12:26
