TIRANË - Emërimet e dy zëvendësministrave në qeveri po thellojnë cdo ditë e më shumë përplasjen në PDIU. Një ditë më parë, presidenti i nderit, Tahir Muhedini e cilësoi si të pakuptimtë reagimin negative të deputetit të Vlorës, Dashamir Tahiri.
Ky i fundit në replikën e tij akuzon Muhedinin se gënjen elektoratin.

“Ne vijim te replikes se sotme te Presidentit te Nderit te PDIU, deshiroj ti bej me dije qe posti qe ai mban eshte Onorifik dhe eshte i lutur per te nderhyre ne aktvitete festive dhe ngjarje te shenuara dhe jo te ngaterohet ne punet dhe aktivitetin e perditshem te partise sepse i ndalohet me statut”, deklaroi Tahiri.

Ai rendit disa pyetje për presidentin e nderit Muhedini.

“1. Kur eshte zgjedhur kryesia e partise, kush ka votuar dhe cilet jane anetaret e kryesise?
2. Do te ishte i lutur te bente publik nje procesverbal te mbledhjes, diten dhe vendin ku eshte mbajtur ajo se ne memorien time dhe shume aktivisteve te tjere dicka e tille po kerkohet te organizohet prej nje viti dhe dikujt sikur spo i pelqen kjo ide.
3. Nese ka pasur zgjedhje ne parti, Kur eshte rikonfirmuar Kryetari i madh i PDIU?
4. Kush eshte kryetari i partise se Tiranes psh, kush jane sekretariatet dhe cilet persona i mbajne ato poste?
5. Nese kjo kryesia e juaj imagjinare qenka mbledhur, Une si perfaqesues i partise ne parlament pse nuk isha i ftuar ne ate mbledhje?”, thotë ai.

Më pas ai fton anëtrarët e PDIU të reflektojnë për situatën në këtë parti.
“Perpara se te flas per emocionet e mia, ftoj kete figure onorifike te partise te reflektoj thelle, sepse te genjesh elektoratin dhe opinionin e gjere publik eshte gafe e rende politike dhe morale, qofte edhe per nje pozicion si i yti”, thotë Tahiri.

(aq/shqiptarja.com)